ప్రపంచవ్యాప్తంగా కరోనా వైరస్ విజృంభిస్తోంది. ఈ నేపథ్యంలో ప్రపంచ దేశాలు కరోనాను ఎదుర్కొనేందుకు కావాల్సిన నిధులపై కీలక నిర్ణయం తీసుకుంది ప్రపంచ బ్యాంకు. రానున్న 15 నెలల్లో ప్రపంచ దేశాలకు 160 బిలియన్ డాలర్ల అత్యవసర సహాయాన్ని అందించే ప్రణాళికకు ఆమోదం తెలిపింది.
ఇందులో భాగంగా తొలి విడతలో 1.9 బిలియన్ డాలర్ల సహాయక నిధిని 25 దేశాలకు అందించనున్నట్లు ప్రపంచ బ్యాంక్ వెల్లడించింది. మరో 40 దేశాలకు సహాయం అందించే విధంగా కార్యకలాపాలు సాగుతున్నట్లు పేర్కొంది.
అత్యంత పేద దేశాలు, కరోనా వల్ల ప్రమాదం పొంచి ఉన్న దేశాలపై అధిక దృష్టి సారిస్తున్నట్లు ప్రపంచ బ్యాంక్ స్పష్టం చేసింది.
భారత్కు...
ఈ నిధుల్లో భారత్ అతిపెద్ద లబ్ధిదారుగా ఉండనుంది. భారత్కు 1 బిలియన్ డాలర్లు, పాకిస్థాన్కు 200 మిలియన్ డాలర్లు, అఫ్గానిస్థాన్కు 100 మిలియన్ డాలర్లు దక్కే అవకాశముంది.
దీనికి అదనంగా ప్రపంచ బ్యాంక్కు చెందిన ప్రైవేటు రంగ ఇంటర్నేషనల్ ఫినాన్స్ కార్పొరేషన్ 8 బిలియన్ డాలర్ల సహాయం అందిచనుంది. కరోనా వల్ల ప్రభావితమైన ప్రైవేటు కంపెనీలు, ఉద్యోగుల సంరక్షణకు ఈ నిధులను వినియోగించనున్నారు.
ఇదీ చూడండి:'జన్‌ధన్‌' నగదు ఉపసంహరణ ఆ కొద్ది రోజులే!
