స్విగ్గీకి నిధుల వరద- రూ.41 వేల కోట్లపైకి కంపెనీ విలువ!

దేశీయ ఫుడ్ డెలివరీ ప్లాట్​ఫామ్స్​ స్విగ్గీ, జొమాటో పోటా పోటీగా నిధులను సేకరిస్తున్నాయి. జొమాటో ఇటీవలే ఐపీఓకు వచ్చి భారీగా నిధులను సేకరించింది. స్విగ్గీ తాజాగా రూ.9,345 కోట్లు సమీకరించినట్లు ప్రకటించింది.

ఆన్​లైన్​ ఫుడ్ డెలివరీ ప్లాట్​ఫామ్​ స్విగ్గీ దాదాపు రూ.9,345 కోట్ల నిధులను సమీకరించింది. సాఫ్ట్​ బ్యాంక్ విజన్ ఫండ్ 2, ప్రొసస్​ల ద్వారా ఈ నిధులను సేకరించినట్లు తెలిపింది. ఈ నిధులతో స్విగ్గీ విలువ దాదాపు రూ.41,125 కోట్లకు చేరింది.

స్విగ్గీ ప్రత్యర్థి సంస్థ జొమాటో కూడా ఇటీవల ఐపీఓకు వచ్చి భారీగా నిధులను సమీకరించింది. దీనితో ఆ కంపెనీ విలువ దాదాపు రూ.64,365 కోట్లకు పెరిగింది.

ఇదీ చదవండి:అదరగొట్టిన జొమాటో.. ఐపీఓకు భారీ స్పందన