కరోనా భయాలతో అంతర్జాతీయంగా ప్రతికూల పరిస్థితులు నెలకొన్న నేపథ్యంలో స్టాక్ మార్కెట్లు నేడు నష్టాల్లో కొనసాగుతున్నాయి. హెవీ వెయిట్ షేర్లన్నీ ప్రతికూలంగా కొనసాగుతుండటం నేటి నష్టాలకు మరో కారణం.
బొంబాయి స్టాక్ ఎక్స్చేంజి సూచీ-సెన్సెక్స్ 285 పాయింట్లకు పైగా నష్టంతో ప్రస్తుతం 39,995 వద్ద ట్రేడవుతోంది. జాతీయ స్టాక్ ఎక్స్చేంజి సూచీ-నిఫ్టీ 94 పాయింట్ల క్షీణతతో 11,703 వద్ద కొనసాగుతోంది.
లాభనష్టాల్లోనివివే..
30 షేర్ల ఇండెక్స్లో ఏషియన్ పెయింట్స్, హెచ్యూఎల్, ఆల్ట్రాటెక్ సిమెంట్ షేర్లు మినహా మిగతా అన్ని షేర్లు నష్టాల్లో ఉన్నాయి.
సన్ఫార్మా, భారతీఎయిర్టెల్, ఇండస్ఇండ్ బ్యాంక్, టాటా స్టీల్ షేర్లు నష్టాల్లో ప్రధానంగా ఉన్నాయి.
రూపాయి, ముడి చమురు
రూపాయి నేడు 11 పైసలు పెరిగి.. డాలర్ మారకం విలువ 71.74 వద్ద కొనసాగుతోంది.
ముడి చమురు ధరల సూచీ-బ్రెంట్ 0.50 శాతం పెరిగింది. అంతర్జాతీయ మార్కెట్లో బ్యారెల్ ముడి చమురు ధర 54.53 డాలర్లుగా ఉంది.
ఆసియాలోని ఇతర ప్రధాన మార్కెట్లయిన చైనా, దక్షిణ కొరియా, హాంగ్కాంగ్, జపాన్ సూచీలు సానుకూలంగా కొనసాగుతున్నాయి.
ఇదీ చూడండి:కరోనా ఎఫెక్ట్: మార్కెట్లపై వారెన్ బఫెట్ ఏమన్నారంటే?
