స్టాక్ మార్కెట్లకు లాభాలు మూన్నాళ్ల ముచ్చటగా మారాయి. కేంద్రం ఉద్దీపన ప్రకటనలతో గత మూడు సెషన్లలో భారీ లాభాలు నమోదు చేశాయి సూచీలు. ఈ నేపథ్యంలో లాభాల స్వీకరణకు మొగ్గు చూపారు మదుపరులు. వీటికి తోడు ఆగస్టు డెరివేటివ్స్ గడువు దగ్గర పడుతుండటమూ నేటి నష్టాలకు కారణం.
బొంబాయి స్టాక్ ఎక్స్చేంజి సూచీ-సెన్సెక్స్ 189 పాయింట్లు కోల్పోయింది. చివరకు 37,452 వద్ద స్థిరపడింది. జాతీయ స్టాక్ ఎక్స్చేంజి సూచీ-నిఫ్టీ 59 పాయింట్ల నష్టంతో 11,046 వద్దకు చేరింది.
ఇంట్రాడే సాగిందిలా
సెన్సెక్స్ 37,687 పాయింట్ల గరిష్ఠాన్ని తాకగా.. 37,249 పాయింట్ల కనిష్ఠాన్ని నమోదు చేసింది.
నిఫ్టీ నేడు 11,129 పాయింట్ల అత్యధిక స్థాయి.. 10,989 పాయింట్ల అత్యల్ప స్థాయిల మధ్య కదలాడింది.
లాభనష్టాల్లోనివి ఇవే..
హెచ్సీఎల్టెక్ 2.61 శాతం, ఇన్ఫోసిన్ 2.18 శాతం, టెక్మహీంద్రా 2.10 శాతం, హెచ్డీఎఫ్సీ 0.51 శాతం, టీసీఎస్ 0.18 శాతం లాభాలను నమోదు చేశాయి.
ఎస్ బ్యాంకు అత్యధికంగా 7.47 శాతం నష్టపోయింది. వేదాంత 4.06 శాతం, టాటా స్టీల్ 4.02 శాతం, టాటా మోటార్స్ 3.28 శాతం, ఓఎన్జీసీ 3.18 శాతం నష్టాలను మూటగట్టుకున్నాయి.
