ఫ్యూచర్ రిటైల్ సహా సంస్థ ఛైర్పర్సన్ కిశోర్ బియానీకి సుప్రీంకోర్టు నోటీసులిచ్చింది. అమెజాన్ వ్యాజ్యంపై స్పందన తెలపాలని జస్టిస్ ఆర్ఎఫ్ నారీమన్ నేతృత్వంలోని ధర్మాసనం ఆదేశించింది.
ఎందుకు నోటీసులు?
రిలయన్స్‌ రిటైల్‌తో ఫ్యూచర్ గ్రూప్ కుదుర్చుకున్న రూ.24,713 కోట్ల ఒప్పందాన్ని అడ్డుకునేందుకు ఈ-కామర్స్‌ దిగ్గజం అమెజాన్ ఇటీవల సుప్రీంకోర్టును ఆశ్రయించింది. ఈ ఒప్పందంపై యథాపూర్వ స్థితి కొనసాగించాలంటూ అంతకుముందు ఇచ్చిన ఆదేశాలపై దిల్లీ హైకోర్టు స్టే ఇచ్చిన అనంతరం అత్యున్నత న్యాయస్థానంలో వ్యాజ్యం వేసింది. ఈ పిటిషన్పై విచారణ చేపట్టిన సుప్రీం కోర్టు.. అమెజాన్ వ్యాజ్యంపై స్పందించాలని ఫ్యూచర్ రిటైల్ సహా సంస్థ ఛైర్పర్సన్కు నోటీసులు ఇచ్చింది. నోటీసులపై స్పందించేందుకు మూడు వారాలు, అమెజాన్ అప్పీలుపై సమాధానిచ్చేందుకు మరో రెండు వారాల గడువు ఇచ్చింది. మొత్తం ఐదు వారాల తర్వాత అమెజాన్ వ్యాజ్యంపై విచారణ చేపట్టనున్నట్లు తెలిపింది సుప్రీం కోర్టు.
ఇదీ చదవండి:కిశోర్ బియానీపై ఏడాది పాటు నిషేధం
