అన్ని రకాల రుణాలపై 15 బేసిస్ పాయింట్లు వడ్డీ తగ్గించింది ప్రభుత్వ రంగ బ్యాంకింగ్ దిగ్గజం ఎస్బీఐ. రెపో రేటు తగ్గిస్తూ ఆర్బీఐ నిర్ణయం తీసుకున్న నేపథ్యంలో.. ఎస్బీఐ వడ్డీ కోత విధించింది. తగ్గిన వడ్డీ రేట్లు ఆగస్టు 10 నుంచి అమలు కానున్నాయి.
ఈ సవరణతో ఎస్బీఐ మార్జినల్ కాస్ట్ ఆధారిత వడ్డీ రేటు(ఎంసీఎల్ఆర్).. ఏడాది కనిష్ఠం వద్ద 8.25 శాతానికి చేరింది.
తాజా రేట్ల కోతతో.. ఏప్రిల్ 1 నుంచి ఎస్బీఐలో గృహ రుణాలు తీసుకున్న వినియోగదారులకు 35 బేసిస్ పాయింట్ల మేర వడ్డీ భారం తగ్గనుంది. ఈ ఏడాది జూలై నుంచి రెపో అధారిత గృహ రుణాలనూ ఎస్బీఐ అందిస్తోంది.
ఇదీ చూడండి: దసరా తర్వాత కశ్మీర్‌కు పెట్టుబడుల వరద!
