దక్షిణ కొరియాకు చెందిన టెక్ దిగ్గజం శాంసంగ్ ఎలక్ట్రానిక్స్ ఈ ఏడాది జనవరి-మార్చి మధ్య 8.5 బిలియన్ డాలర్ల నిర్వహణ లాభాన్ని గడించిననట్లు ప్రకటించింది. గత ఏడాది ఇదే సమయంతో పోలిస్తే ఈ మొత్తం 46 శాతం అధికమని తెలిపింది. ఇదే సమయంలో సంస్థ ఆదాయం 59 బిలియన్ డాలర్లుగా నమోదైనట్లు వెల్లడించింది.
కరోనా మహమ్మారి నేపథ్యంలో స్మార్ట్ఫోన్లు, టీవీల విక్రయాల్లో వృద్ధి లాభాల పెరుగుదలకు కారణంగా తెలిపింది. ఈ ఏడాది యూఈఎఫ్ఏ యూరో 2020 సాకర్, టోక్యో సమ్మర్ ఒలింపిక్స్ వంటి స్పొర్ట్స్ ఈవెంట్ల వల్ల టీవీలకు డిమాండ్ భారీగా పెరిగినట్లు శాంసంగ్ పేర్కొంది. అయితే కరోనా మళ్లీ విజృంభిస్తుండటం కొంత అస్థిరతకు కారణమవుతున్నట్లు తెలిపింది.
ఇదీ చదవండి:బిగ్బాస్కెట్ స్వాధీనానికి టాటాకు లైన్ క్లియర్!
