స్మార్ట్ ఫోన్ ప్రియుల నిరీక్షణకు తెరదించుతూ.. భారత్లో మడత ఫోన్ విడుదల తేదీని ప్రకటించింది శాంసంగ్. అక్టోబరు 1న భారత్లో గెలాక్సీ ఫోల్డ్ను ఆవిష్కరించనున్నట్లు అధికారికంగా వెల్లడించింది. అయితే భారత్లో ఈ ఫోన్ ధరపై స్పష్టనివ్వలేదు శాంసంగ్.
దక్షిణ కొరియాలో ఇప్పటికే అందుబాటులో ఉన్న ఈ ఫోన్ ధర స్థానిక కరెన్సీ ప్రకారం 2.398 మిలియన్ వాన్లు(భారత కరెన్సీలో ఈ విలువ రూ.లక్ష 43 వేల పైమాటే). ఈ లెక్కన భారత్లో గెలాక్సీ ఫోల్డ్ రూ. 1,40,000 నుంచి రూ. 1,50,000ల వరకు ఉండొచ్చని టెక్ వార్తా సంస్థలు అంచనా వేస్తున్నాయి.
అక్టోబర్ 1న మార్కెట్లోకి వచ్చిన తర్వాత.. ఫోన్ ధర, విక్రయాల తేదీలపై స్పష్టత రానుంది. తొలుత భారత్లోనే ఈ ఫోన్ను విడుదల చేయాలనుకుంది శాంసంగ్. అయితే కొన్ని సాంకేతిక కారణాల వల్ల విడుదల తేదీని వాయిదా వేసింది.
గెలాక్సీ ఫోల్డ్ ఫీచర్లు..
- మడతబెట్టినప్పుడు 4.6 అంగుళాల డిస్ప్లే
- మడత తీస్తే..7.3 అంగుళాల భారీ డిస్ప్లే
- ఆక్టాకోర్ ప్రాసెసర్
- 12జీబీ ర్యామ్‌/512జీబీ స్టోరేజి
- 16ఎంపీ+12ఎంపీ+12ఎంపీలతో వెనుకవైపు మూడు కెమెరాలు
- 10 మెగా పిక్సల్ సెల్ఫీ కెమెరా
- ఆండ్రాయిడ్‌ పై ఆపరేటింగ్‌ సిస్టమ్‌
- 4380 ఎంఏహెచ్‌ బ్యాటరీ సామర్థ్యం
ఇదీ చూడండి: ఆఫర్ల సీజన్: కొత్త కారు ఇప్పుడు కొనడమే మంచిదా?
