ఉద్యోగుల భవిష్యనిధి (ఈపీఎఫ్ఓ) చందాదారులు 2018-19 సంవత్సరానికి డిపాజిట్లపై 8.65 శాతం వడ్డీని పొందుతారని కార్మిక శాఖ మంత్రి సంతోష్ గంగ్వార్ తెలిపారు.
2017-18లో 8.55 శాతంగా ఉన్న ఈపీఎఫ్ వడ్డీ రేట్లను.. 2018-19 సంవత్సరానికి 8.65 శాతంగా నిర్ణయించినట్లు గంగ్వార్ తెలిపారు. పెంచిన వడ్డీతో 6 కోట్ల మంది ఈపీఎఫ్ఓ చందాదారులు లబ్ధిపొందుతారని పేర్కొన్నారు.
కార్మిక, ఆర్థిక మంత్రిత్వ శాఖల మధ్య వడ్డీరేటుపై తొలుత భిన్నాభిప్రాయాలు వచ్చాయి. ఈ అనిశ్చితులను తొలగించుకునేందుకు ఆర్థిక మంత్రి నిర్మలా సీతారామన్‌తో చర్చలు జరిపారు కార్మిక శాఖ అధికారులు. ఈపీఎఫ్ఓ చందాదారులకు 8.65 శాతం వడ్డీ రేటు చెల్లించినా.. సరిపడా మిగులు సంస్థ వద్ద ఉందని వివరించిన అనంతరం రేట్ల పెంపునకు మార్గం సుగమమైనట్టు ఓ సీనియర్ అధికారి తెలిపారు.
ఇదీ చూడండి: ఫేస్బుక్, ఇన్స్టాలో కొత్త ఫీచర్లు.. ఏంటో తెలుసా?
