ఎలక్ట్రానిక్ దిగ్గజం లెనోవోకు చెందిన.. మోటొరోలా మరో సరికొత్త స్మార్ట్ ఫోన్ను విడుదల చేయనుంది. స్మార్ట్ ఫోన్లలో మోటొరోలాకు ప్రత్యేక అభిమానులు ఉన్నారు. వారిని దృష్టిలో ఉంచుకొని పాప్-ఆప్ సెల్ఫీ కెమెరాతో కొత్త ఫోన్ను తీసుకురానుంది మోటొరోలా.
మోటొరోలా వన్ శ్రేణిలో.. 'వన్ హైపర్' పేరుతో.. ఈ కొత్త ఫోన్ను తీసుకురానున్నట్లు తెలుస్తోంది. ఈ మోడల్ పేరును ఇంకా అధికారికంగా వెల్లడించకపోయినప్పటికీ.. పలు టెక్ వార్తా సంస్థల ప్రకారం దీని పేరు 'మోటొరోలా వన్ హైపర్'గా నిర్ణయించినట్లు తెలిసింది.
ఇంతకు ముందు 'వన్' శ్రేణిలో మోటొరోలా జూమ్, మేక్రో, యాక్షన్ వంటి మోడళ్లను విడుదల చేసింది. అదే శ్రేణిలో కొత్త మోడల్ను అందుబాటులోకి తేనుంది. ఇప్పటి వరకు నాలుగు కెమెరాలు.. కెమెరా మెగా పిక్సల్ వంటి ఫీచర్లపై దృష్టి సారించిన ఆ సంస్థ ఇప్పుడు పాప్-అప్ సెల్ఫీ కెమెరాతో కొత్త మోడల్ను తీసుకువచ్చేందుకు సిద్ధమైంది.
తొలుత ఈ స్మార్ట్ ఫోన్ను డిసెంబర్ 3న బ్రెజిల్లో ఆవిష్కరించనుంది మోటొరోలా. ఆ తర్వాత ఇతర మార్కెట్లలోనూ అందుబాటులోకి తేనుంది. మోటొరోలాకు బ్రెజిల్ అతిపెద్ద మార్కెట్గా ఉన్న కారణంగా అక్కడే ఈ మోడల్ను తొలుత విడుదల చేయనున్నట్లు తెలుస్తోంది.
ఈ మోడల్ మార్కెట్లోకి వస్తే.. రెడ్మీ కే20, రియల్ మీ ఎక్స్ వంటి మోడళ్ళకు గట్టిపోటీ ఉండనుంది.
భారత్కు వన్ హైపర్..
మోటొరోలా హైపర్ బ్రెజిల్లో ఆవిష్కరించిన కొన్ని రోజులకే భారత మార్కెట్లోకి రానున్నట్లు తెలుస్తోంది. దీని ధర రూ.20,000 లోపే ఉండొచ్చని అంచనా.
మొటొరోలా వన్ హైపర్ ఇతర ఫీచర్ల వంటి వివరాలు ఆవిష్కరణ రోజే తెలియనున్నాయి.
