ఆర్థిక నేరస్థుడు, లిక్కర్ కింగ్ విజయ్మాల్యాకు యూకే న్యాయస్థానం షాకిచ్చింది. భారత్కు అప్పగించడాన్ని సవాలు చేస్తూ అతడు దాఖలు చేసిన వ్యాజ్యాన్ని కొట్టివేసింది.
14 రోజుల్లో అవకాశం..
హైకోర్టులో చుక్కెదురైనా 14 రోజుల్లో యూకే సుప్రీంకోర్టును ఆశ్రయించేందుకు మాల్యాకు అవకాశముంది. ఇందుకు దరఖాస్తు పెట్టుకుంటే ఆ దేశ హోంశాఖ తదుపరి విచారణ వరకు వేచిచూడనుంది. లేదంటే మాల్యాను భారత్-యూకే నేరస్థుల అప్పగింత చట్టం ప్రకారం 28 రోజుల్లో భారత ప్రభుత్వానికి అప్పగించనుంది.
పోరులో విజయం: సీబీఐ
ఆర్థిక నేరస్థులపై భారత ప్రభుత్వం చేస్తోన్న పోరులో ఇదొక విజయమని అభివర్ణించింది కేంద్ర దర్యాప్తు సంస్థ(సీబీఐ). మాల్యా పిటిషన్ను హైకోర్టు కొట్టేయడంపై హర్షం వ్యక్తం చేసింది.
బ్యాంక్ల నుంచి రుణాలు తీసుకొని దేశం నుంచి పారిపోయాడు మాల్యా. 2016 మార్చిలో దేశం వదిలి వెళ్లిపోయిన అతడు.. అప్పటి నుంచి బ్రిటన్‌లో తలదాచుకుంటున్నాడు.
