'ఎస్యూవీ సెల్టోస్'ను ఆగస్టు 22న భారత్లో ఆవిష్కరించనుంది కియా మోటార్స్. దక్షిణ కొరియాకు చెందిన ఈ ఆటోమొబైల్ దిగ్గజం ప్రీ బుకింగ్స్కు భారీ స్పందన వస్తోంది. ఈ నెల 16న ప్రీ బుకింగ్స్ను ప్రారంభించగా... మొదటి రోజే 'సెల్టోస్' కోసం 6,046 బుకింగ్స్ వచ్చినట్లు వెల్లడించింది. వీటిలో 1,628 బుగింగ్స్ ఆన్లైన్ ద్వారా వస్తే.. మిగతా బుకింగ్స్ దేశ వ్యాప్తంగా 160 పట్టణాల్లో ఉన్న తమ డీలర్షిప్ల ద్వారా వచ్చినట్లు పేర్కొంది.
"ఇది అసాధారణ విజయం. కియా మోటార్స్కు అద్భుతమైన గుర్తింపు. మా బ్రాండ్ ప్రచారమే ఈ విజయానికి కారణం. " -మనోహర్ బాత్, కియా మోటార్స్ ఇండియా ఉపాధ్యక్షుడు
ఏడాదికి 3 లక్షల యూనిట్ల తయారీ సామర్థ్యంతో కియా మోటార్స్ భారత్లో ప్లాంటును నెలకొల్పింది. దీని ద్వారా నిర్ణీత సమయానికి వినియోగదారులకు వాహనాలు అందించాలని చూస్తోంది.
ఇదీ చూడండి: మాల్యా అప్పీలుపై వచ్చే ఫిబ్రవరిలో వాదనలు
