ఇటీవలే కొత్త పోస్ట్ పెయిడ్ ప్లాన్లు ప్రవేశపెట్టిన టెలికాం దిగ్గజం జియో.. మరో అడుగు ముందుకేసింది. ప్రత్యర్థి నెట్వర్క్ల పోస్ట్ పెయిడ్ వినియోగదారులను ఆకర్షించేందుకు పోస్ట్ పెయిడ్ సెక్యూరిటీ ఫీజును మాఫీ చేసింది. ఇతర నెట్వర్క్ల నుంచి జియోకి మారితే ఎలాంటి అదనపు రుసుములు వసూలు చేయబోమని ప్రకటించింది. ప్రస్తుత చందాదారులకు కంపెనీ అందించే క్రెడిట్ పరిమితిని అందిస్తున్నట్లు తెలిపింది.
" రిలయన్స్ జియో ఇప్పుడు పోస్ట్ పెయిట్ ప్లస్ ప్లాన్స్లోకి చేరిన ఇతర ఆపరేటర్ల పోస్ట్పెయిడ్ కస్టమర్ల కోసం క్రెడిట్ పరిమితిని తొలిసారి కొనసాగిస్తున్నట్లు ప్రకటించింది. దీనికి సంబంధించి ఎలాంటి అదనపు, సెక్యూరిటీ ఫీజులు చెల్లించాల్సిన అవసరం లేదు. "
- జియో సంస్థ అధికారి.
జియో తమ పోస్ట్ పెయిడ్ ప్లస్ ప్లాన్స్లో 500 జీబీ వరకు డేటాతో పాటు నెట్ఫ్లిక్స్, అమెజాన్ ప్రైమ్, డిస్నీ ప్లస్ హాట్స్టార్ సబ్స్క్రిప్షన్స్ అందిస్తోంది. ఈ క్రమంలో పోస్ట్ పెయిడ్ కస్టమర్లు వినియోగించని తమ డేటాను తదుపరి నెలలో వాడుకునే వీలు కల్పిస్తున్నట్లు సంస్థ అధికారి ఒకరు తెలిపారు. వాట్సాప్ నంబర్కు మెసేజ్ చేయటంతో పాటు ప్రస్తుత ఆపరేటర్ పోస్ట్పెయిడ్ బిల్స్ను అప్లోడ్ చేయటం ద్వారా జియో నెట్వర్క్ పొందవచ్చని తెలిపారు.
జియో సంస్థ ప్రస్తుతం 39 కోట్ల వినియోగదారులతో దేశంలోనే నంబర్ వన్ స్థానంలో కొనసాగుతోంది.
ఇదీ చూడండి: జియో కొత్త ప్లాన్లతో- ఎయిర్టెల్, వీ విలవిల!
