ముకేశ్ అంబానీకి చెందిన టెలికాం దిగ్గజం రిలయన్స్ జియో రానున్న రోజుల్లో భారత మార్కెట్పై మరింత పట్టు సాధిస్తుందని బెర్న్స్టెయిన్ అనే సంస్థ ఓ నివేదికలో పేర్కొంది. 2025 నాటికి టెలికాం మార్కెట్లో జియో వాటా 48 శాతానికి పెరుగుతుందని అంచనా వేసింది. ఈ సమయానికి జియో యూజర్ల సంఖ్య 50 కోట్లకుపైనే ఉంటుందని లెక్కగట్టింది.
నివేదికలోని అంశాలు..
- 2019-20లో జియోకు మొత్తం 38.8 కోట్ల మంది యూజర్లు ఉన్నారు.
- 2022-23 ఆర్థిక సంవత్సరం నాటికి జియో 50 కోట్ల యూజర్ల మార్క్ అందుకుంటుంది.
- యూజర్ల సంఖ్య 2024-25 నాటికి 56.9 కోట్లు, 2027-28 నాటికి 60.9 కోట్లకు పెరగొచ్చు.
- జియో మార్కెట్ వాటా ప్రస్తుత ఆర్థిక సంవత్సరం 38 శాతం నుంచి 40 శాతానికి పెరగొచ్చు. 2024-25 నాటికి 48 శాతానికి చేరొచ్చు.
ఐపీఓ ఎప్పుడు?
- టెలికాం రంగంలో మార్కెట్ వాటా 50 శాతానికి చేరుకుంటే రానున్న కొన్నేళ్లలోనే జియో ఇనీషియల్ పబ్లిక్ ఆఫర్ (ఐపీఓ)కు వచ్చే అవకాశం ఉంది. ఆ తర్వాత సగటు యూజర్ ద్వారా వచ్చే ఆదాయం కూడా భారీగా పెరగొచ్చు.
- రానున్న మూడేళ్లలో సేవాల ద్వారా జియో ఆదాయం రెండింతలు పెరిగే అవకాశం ఉంది.
పెట్టుబడులు..
గత ఏడాది డిసెంబర్లో జియోను టెలికాం రంగ రారాజుగా పేర్కొన్నామని బెర్న్స్టెయిన్ తెలిపింది. అంతర్జాతీయ పెట్టుబడిదారులు కూడా ఇదే నిర్ణయానికి రావడం చూస్తేనే ఉన్నామని చెప్పుకొచ్చింది.
జియోలో పెట్టుబడుల ప్రవాహాన్ని సామాజిక మాధ్యమ దిగ్గజం ఫేస్బుక్ ప్రారంభించింది. రూ.43,573.62 కోట్లతో పెట్టుబడితో జియోలో 9.99 శాతం వాటాను కొనుగోలు చేసింది. ఆ తర్వాత మరో ఎనిమిది వేర్వేరు సంస్థలు రూ.60,753.33 కోట్లు పెట్టుబడి పెట్టాయి.
జియోలో మొత్తం 22.38 శాతం వాటా విక్రయం ద్వారా రూ.1.04 లక్షల కోట్ల పెట్టుబడులను రాబట్టింది.
ఇవీ చూడండి:
