క్లిక్స్‌ గ్రూప్‌తో లక్ష్మీ విలాస్ బ్యాంక్ విలీన ప్రతిపాదన ఒకవేళ కార్యరూపం దాల్చకపోతే రిజర్వ్‌ బ్యాంక్ ఆఫ్‌ ఇండియా (ఆర్బీఐ).. ఐసీఐసీఐ బ్యాంక్, కోటక్ మహీంద్రా బ్యాంక్‌లను బెయిల్‌ అవుట్‌ ప్యాకేజీ ప్రకటించమని కోరే అవకాశం ఉందని విశ్లేషకులు అంచనా వేస్తున్నారు. ఆ బ్యాంకులే విలీనానికి ఉత్తమమని వారు భావిస్తున్నారు. ఎందుకంటే ఇప్పటికే ఐసీఐసీఐ బ్యాంక్‌కు విలీనం-కొనుగోళ్లలో మంచి అనుభవముంది.
గతంలో బ్యాంక్ ఆఫ్‌ మధుర (2000), సంగ్లి బ్యాంక్ (2007), బ్యాంక్ ఆఫ్‌ రాజస్థాన్‌ (2013)లను ఐసీఐసీఐ కొనుగోలు చేసింది. కోటక్ బ్యాంక్ కూడా 2015లో ఐఎన్‌జీ వైశ్యా బ్యాంక్‌ను కొనుగోలు చేసిన సంగతి తెలిసిందే. అందుకే ఈ రెండు బ్యాంకులైతే కష్టాల్లో ఉన్న లక్ష్మీ విలాస్ బ్యాంక్‌ను గట్టెక్కించగలవని బ్యాంకింగ్‌ రంగ నిపుణులు విశ్లేషిస్తున్నారు.
