ప్రైవేటు రంగ బ్యాంకింగ్‌ దిగ్గజం హెచ్డీఎఫ్సీ బ్యాంక్ 100 బిలియన్ డాలర్ల క్లబ్లో చేరింది. భారత్‌లో ఈ మైలురాయిని చేరుకొన్న మూడో కంపెనీ ఇదే కావడం విశేషం. దేశీయ మారకంలో హెచ్డీఎఫ్సీ బ్యాంక్ విలువ ప్రస్తుతం రూ.7,07,664.94 కోట్ల వద్ద ఉంది. బ్యాంకుల పరంగా చూస్తే ఈ మార్క్ను అందుకున్న తొలి భారతీయ కంపెనీ ఇదే కావడం మరో విశేషం.
తొలి రెండు స్థానాల్లో..
ఈ జాబితాలో రిలయన్స్‌ ఇండస్ట్రీస్‌, టాటా కన్సల్టెన్సీ సర్వీస్(టీసీఎస్)లు తొలి రెండు స్థానాల్లో ఉన్నాయి. వీటి మార్కెట్ క్యాపిటల్ విలువలు వరుసగా దాదాపు 140 బిలియన్ డాలర్లు (రూ.10,17,125.54 కోట్లు), 114.60 బిలియన్ డాలర్లు (రూ.8,31,134.45 కోట్లు)గా ఉన్నాయి.
ప్రపంచంలోనే అత్యంత విలువైన కంపెనీల్లో హెచ్డీఎఫ్సీ బ్యాంక్ 110వ స్థానంలో నిలిచింది. ప్రస్తుతం ఈ జాబితాలో 109 కంపెనీలు 100 బిలియన్ డాలర్లను దాటాయి. ఇక 100 బిలియన్ డాలర్ల మార్కెట్ విలువను దాటిన బ్యాంకుల్లో హెచ్డీఎఫ్సీ బ్యాంక్ 26వ స్థానంలో ఉంది.
ఇదీ చూడండి:లాటరీలపై 28శాతం పన్ను విధింపు: జీఎస్టీ మండలి
