అమెరికాకు చెందిన ప్రముఖ లగ్జరీ బైక్ల తయారీ సంస్థ హార్లీ డేవిడ్సన్ భారత్లో ప్రస్తుత బిజినెస్ మోడల్ నుంచి వైదొలుగుతున్నట్లు ప్రకటించింది.
బవాల్ (హరియాణా)లో కంపెనీకి ఉన్న ఫ్యాక్టరీని మూసివేసేయడం, గురుగ్రామ్ విక్రయ కేంద్రంలో అమ్మకాల తగ్గింపు ప్రణాళికలో భాగంగా ఈ నిర్ణయం తీసుకున్నట్లు కంపెనీకి చెందిన ఓ వ్యక్తి తెలిపారు.
విక్రయాలు క్షీణించడం సహా ఇతర కారణాలతో పలు అంతర్జాతీయ మార్కెట్ల నుంచి కూడా గత కొన్నాళ్లుగా హార్లీ కార్యకలాపాలను విరమించుకుంటూ వస్తుండటం గమనార్హం.
కంపెనీ డీలర్ నెట్వర్క్ మాత్రం.. కాంట్రాక్ట్ పద్ధతిలో వినియోగదారులకు సేవలందించనున్నట్లు హార్లీ వెల్లడించింది.
దేశీయంగా తమ వ్యాపార కార్యాకలాపాలను నిర్వహించేందుకు ఇతర కంపెనీతో ఒప్పందం కుదుర్చుకోవాలని హార్లీ భావిస్తున్నట్లు పరిశ్రమ వర్గాలు చెబుతున్నాయి.
మరోవైపు కంపెనీ కార్యకలాపాలను కూడా పునర్వ్యవస్థీకరించాలని హార్లీ భావిస్తోంది. రానున్న 12 నెలల్లో ఈ ప్రక్రియ పూర్తి చేయాలని ప్రణాళికలు రచిస్తోంది.
ఇదీ చూడండి:హార్లీ భారత మార్కెట్ నుంచి వైదొలిగేందుకు మరిన్ని కారణాలు..
