గూగుల్కు చెందిన ప్రముఖ ఈమెయిల్ సేవల వ్యవస్థ జీమెయిల్లో నేడు చాలా సేపు సమస్యలు తలెత్తాయి. వేల సంఖ్యలో యూజర్లు జీమెయిల్లోకి లాగిన్ అవ్వడంలో ఇబ్బందులు ఎదుర్కొన్నారు.
చాలా మంది యూజర్లు జీమెయిల్ పీఓపీ సర్వీసుల్లోకి లాగిన్ అవ్వడంలో సమస్య ఎదుర్కొన్నట్లు తెలిపారు.
టెక్ సేవల్లో తలెత్తే సమస్యలపై సమాచారమందించే.. 'డౌన్డిటెక్టర్' జీమెయిల్ సేవలకు అంతరాయం ఏర్పడినట్లు వెల్లడించింది. ఆసియా, అమెరికా, ఐరోపాల్లోని కొన్ని ప్రాంతాల్లో సమస్యలు తలెత్తినట్లు తెలిపింది.
భారీ సంఖ్యలో యూజర్లకు ఇదే సమస్య ఎదుర్కొనగా.. కొంత మంది దీనిపై ట్విట్టర్లో చర్చించారు.
'పీఓపీ3.. గత 90 నిమిషాలుగా నుంచి పని చేయడం లేదు. పెద్ద ఎత్తున యూజర్లకు ఈ సమస్య వచ్చింది. చాలా మంది ఏఎంఏపీ కూడా పని చేయడం లేదని చెబుతున్నారు.' అని ఓ యూజర్ రాసుకొచ్చాడు.
'జీ మెయిల్ పాప్ అప్ యూజర్లు చాలా మంది ఇబ్బందులు ఎదుర్కొంటున్నారు. జీ మెయిల్ పాప్అప్ సర్వీసుల్లోకి లాగిన్ అవ్వడంలో ఇబ్బందులు ఎదుర్కొంటున్నారు. ఈ సమస్య ఎప్పుడు పరిష్కారమవుతోంది మాకు చెప్పండి.' అని మరో యూజర్ ట్వీట్ చేశాడు.
ఇదీ చూడండి:వాహనదారులకు షాక్- భారీగా పెరిగిన పెట్రో ధరలు
