ప్రస్తుత ఆర్థిక సంవత్సరం తొలి అర్ధ భాగంలో.. భారత్కు విదేశీ ప్రత్యక్ష పెట్టుబడులు(ఎఫ్డీఐ) 15 శాతం పెరిగినట్లు ప్రభుత్వ గణాంకాల్లో తెలిసింది. ఈ లెక్కల ప్రకారం 2019-20 ఏప్రిల్-సెప్టెంబర్ మధ్య 26 బిలియన్ డాలర్ల ఎఫ్డీఐలు వచ్చాయి. అంతకు ముందు 2018-19 తొలి అర్ధ భాగంలో ఎఫ్డీఐలు 22.66 బిలియన్ డాలర్లుగా ఉన్నాయి.
రంగాల వారీగా లెక్కలు..
ప్రస్తుత ఆర్థిక సంవత్సరం తొలి ఆరు నెలల్లో.. సేవారంగం (4.45 బిలియన్ డాలర్లు), కంప్యూటర్ సాఫ్ట్వేర్, హార్డ్వేర్ (4 బిలియన్ డాలర్లు), టెలికమ్యూనికేషన్(4.28 బిలియన్ డాలర్లు), ఆటోమొబైల్ (2.13 బిలియన్ డాలర్లు), ట్రేడింగ్లకు (2.14బిలియన్ డాలర్లు) అధికంగా ఎఫ్డీఐలు వచ్చినట్లు వాణిజ్య మంత్రిత్వ శాఖ వెల్లడించింది.
సింగపూర్ నుంచి అధికంగా..
2019-20 తొలి ఆరు నెలల్లో భారత్కు సింగపూర్ నుంచి అత్యధికంగా 8 బిలియన్ డాలర్ల ఎఫ్డీఐలు వచ్చినట్లు వాణిజ్య మంత్రిత్వ శాఖ పేర్కొంది. ఆ తర్వాతి స్థానాల్లో మారిషస్ (6.36 బిలియన్ డాలర్లు), అమెరికా (2.15 బిలియన్ డాలర్లు),నెదర్లాండ్స్ (2.32 బిలయన్ డాలర్లు), జపాన్ (1.78 బిలియన్ డాలర్లు)లు ఉన్నాయి.
ఇదీ చూడండి:రాబోయే బడ్జెట్‌లో ఆదాయపు పన్ను తగ్గిస్తారా?
