దక్షిణకొరియా ఆటోమోబైల్ దిగ్గజం కియా మోటార్స్ భారత్లో తక్కువ ధరలో విద్యుత్ వాహనాల తయారీకి కృషి చేస్తున్నట్లు తెలిపింది. ఇందుకోసం మరో వాహన దిగ్గజం హ్యుందాయ్తో సంయుక్తంగా పని చేయనున్నట్లు పేర్కొంది.
విద్యుత్ వాహనాల తయారీని ప్రోత్సహించేందుకు భారత ప్రభుత్వం తీసుకువచ్చిన "ఫేమ్2" పథకం ద్వారా వ్యక్తిగత అవసరాలకు ఎలక్ట్రికల్ వాహనాలు తీసుకురావాలని భావిస్తున్నట్లు కియా మోటార్స్ ఉన్నతాధికారి ఒకరు తెలిపారు.
హ్యుందాయ్తో కలిసి త్వరలో ఆవిష్కరించనున్న ఎస్యూపీ సెల్టర్స్ సహా మొత్తం 4 మోడళ్లను రెండేళ్లలో ఆవిష్కరించనుంది కియా మోటార్స్. అయితే విద్యుత్ వాహనాల ఒప్పందం మరో కొత్త ప్రాజెక్టు కానుందని పేర్కొంది.
"ప్రస్తుతం మేము భారత్లో తక్కువ ధరలో విద్యుత్ వాహనాలను తయారు చేసేందుకు ప్రయత్నిస్తున్నాం. ఇందుకోసం హ్యుందాయ్తో కలిసి మా ప్రయత్నాన్ని కొనసాగించాలకుంటున్నాం." ---హాన్ వూ-పార్క్, కియా మోటార్స్, అధ్యక్షుడు
కియా మోటార్స్ ఇప్పటికే హైబ్రీడ్, ప్లగ్ ఇన్-హైబ్రీడ్, విద్యుత్, ఇంధన సెల్ వాహనాలను ప్రపంచ వ్యాప్తంగా విక్రయిస్తున్నట్లు పేర్కొన్నారు పార్క్. వాటిని భారత్లో ప్రవేశపెట్టేందుకు సిద్ధంగా ఉన్నామని.. అయితే అందుకు మౌలిక వసతులు, ప్రభుత్వ ప్రోత్సాహకాలు అవసరమని తెలిపారు. అవి సమకూరితే ఏ సమయంలోనైనా విద్యుత్ వాహనాలు భారత్కు తీసుకువచ్చేందుకు సిద్ధంగా ఉన్నట్లు స్పష్టం చేశారు.
