కొన్నేళ్లుగా ఎన్నడూ లేనంతగా ఆటోమొబైల్ పరిశ్రమ గడ్డు పరిస్థితులు ఎదుర్కొంటోంది. ఈ నేపథ్యంలో ఖర్చులు తగ్గించుకునే పనిలో పడ్డాయి వాహన తయారీ సంస్థలు. ఇందుకోసం ముడి సరుకుకు సదుపాయాలు పెంచాలని రైల్వే శాఖను కోరాయి. సానుకూలంగా స్పందించిన రైల్వే శాఖ ఓ ప్రకటన విడుదల చేసింది.
"భారత రైల్వేకు హోండా, మహీంద్రా, కియా, ఫోర్డ్ వంటి కంపెనీలు సహా ఇతర కంపెనీల నుంచి ముడి సరుకు రవాణాకు సౌకర్యాలు పెంచాలని డిమాండు వస్తోంది. ఈ నేపథ్యంలో వివిధ పరిశ్రమలకు చేయూతనిచ్చేందుకు కొన్ని రకాల ముడి సరుకు రవాణాపై ఛార్జీలు రద్దు చేస్తూ నిర్ణయం తీసుకున్నాం." - పూర్ణేందు శేఖర్ మిశ్రా, రైల్వే బోర్డు సభ్యుడు
ఉత్పత్తి నుంచి వినియోగం వరకు అటోమొబైల్ రంగం ద్వారా రైల్వేలో రెండు శాతం వరకు వ్యాపారం జరుగుతోంది. ర్యాక్ల సరఫరాను అధికం చేసి.. ఈ వ్యాపారాలను 8-10 శాతనికి పెంచుకోవాలని చూస్తున్నట్లు మిశ్రా తెలిపారు.
ఆటోమొబైల్ రంగానికి సంబంధించి ఈ ఆర్థిక సంవత్సరం ఇప్పటి వరకు 500 మిలియన్ టన్నుల ముడి సరుకు రవాణా చేసింది భారత రైల్వే. ఆర్థిక సంవత్సరం ముగిసేనాటికి 1,225 మిలియన్ టన్నుల సరుకు రవాణా చేయాలని లక్ష్యంగా పెట్టుకుంది.
ఇదీ చూడండి: '5 ట్రిలియన్ డాలర్ల ఆర్థిక వ్యవస్థ అసాధ్యం'
