కొత్తగా మార్కెట్లోకి రానున్న ఐఫోన్లలో అత్యాధునిక సదుపాయాలను కల్పించనుంది ఆపిల్ సంస్థ. 2019 సెప్టెంబర్లో ఈ ఫోన్ను విడుదల చేసే అవకాశం ఉన్నట్టు తెలుస్తోంది. కెమెరా, తెర, టచ్ ఐడీలలో మార్పులు చేయనున్నట్టు సమాచారం. జులై, ఆగస్టు సమయంలో వీటి ఉత్పత్తి ప్రారంభించే అవకాశం ఉంది.
కొత్త రకం మోడళ్లలో ఐదో తరం(5-జీ) సాంకేతికతను అందించనుంది ఆపిల్. కెమెరా పనితీరు మెరుగుపరిచేందుకు 3-డీ సాంకేతికతను ఉపయోగిస్తోంది. ఇందుకోసం మూడు వెనుక కెమెరాలను అమర్చనుంది. అంతేకాకుండా పూర్తి టచ్ ఐడీ కలిగిన ఎల్జీ ఓఎల్ఈడీ తెరలను తీసుకురానుంది. ఈ ఐఫోన్లలో అధిక సామర్థ్యం కలిగిన బ్యాటరీ ఉంటుందని తెలుస్తోంది. ఐఫోన్ నుంచే ఎయిర్ పాడ్స్, ఆపిల్ వాచ్ను ఛార్జ్ చేసే అవకాశం ఉంటుందని తెలుస్తోంది.
2019, 2020 మోడళ్ల ఐఫోన్ తయారీ కోసం ఆసియా కంపెనీల వైపు ఆ సంస్థ చూడనుందని బార్క్లేస్ విశ్లేషకులు బ్లేన్ కుర్తీస్ అభిప్రాయపడ్డారు. ఐపోన్కు ఓఎల్ఈడీ తెరలను అందించటంలో ఎల్జీ సంస్థ రెండో స్థానానికి చేరనుంది. సామ్సంగ్ ద్వారా 10 నుంచి 30 శాతం ఆర్డర్లను ఎల్జీ దక్కించుకునే అవకాశముందని చెప్పారు కుర్తీస్.
ఇదీ చూడండి: భారత మార్కెట్ నుంచి సోనీ ఫోన్లు ఔట్
