అమెజాన్.. ప్రపంచ దిగ్గజ కంపెనీల్లో ఒకటి. ఈ-కామర్స్ వ్యాపారాల్లో ప్రపంచంలోనే అగ్రగామి. కంపెనీ వ్యవస్థాపకుడు జెఫ్ బెజోస్ (Jeff Bezos) ప్రపంచంలోనే అత్యంత ధనవంతుడు. ఇలా.. చెప్పుకుంటూ పోతే అనేక రికార్డులు.. దీని సొంతం.
ఇలాంటి కంపెనీలో ఉద్యోగం చేయాలని చాలా మంది అనుకుంటుంటారు. అందుకు తగ్గట్లుగానే అమెజాన్ ఉద్యోగ అవకాశాలు, భారీ వేతానాలు ఇస్తుంది. ఇంత వరకు బాగానే ఉన్నా.. కంపెనీలో ఉద్యోగం మానేయాలి అనుకునే వారికి కూడా భారీ ప్యాకేజీ ఇస్తోంది అమెజాన్. అదేంటి.. ఉద్యోగం మానేస్తానంటే డబ్బులిస్తుందా అని ఆశ్యర్యపోతున్నారా? అయితే కంపెనీ అలా ఎందుకు చేస్తుంది (What is Amazon pay to Quit offer)? ఉద్యోగం మానేసే వారికి ఎంత ప్యాకేజీ ఇస్తుంది (Amazon pay to Quit package)? అనే వివరాలను ఇప్పుడు చూద్దాం.
ఇక పని చేయలేమనుకుంటే..
కంపెనీలో పని నచ్చకపోయినా.. ఇంకా ఇక్కడ పని చేయాలేమని నిర్ణయించుకున్నా.. వారు కంపెనీని వీడేందుకు 5 వేల డాలర్ల (రూ.3.7 లక్షల పైమాటే) వరకు ప్యాకేజీ ఇస్తోంది అమెజాన్. 'పే టూ క్విట్' పేరుతో ఈ ఆఫర్ ఇచ్చేందుకు అమెజాన్ చెప్పే కారణమేంటంటే(reason for Amazon pay to Quit offer).. ఇష్టం లేకుండా పని చేయడం ఉద్యోగితో పాటు కంపెనీకీ అంత మంచిది కాదు అని.
అయితే ఈ ఆఫర్ ఏడాది పొడవునా ఉండదు. ఏడాదిలో ఒకసారి మాత్రమే ప్రకటిస్తుంటుంది అమెజాన్. ఉద్యోగంలో చేరి కనీసం సంవత్సరం పూర్తి చేసుకున్న ఉద్యోగులకు మాత్రమే (Eligibility for Amazon pay to Quit offer) ఈ ఆఫర్ వర్తిస్తుంది.
అఫరే కాదు.. వద్దనీ సలహా..
ఈ ఆఫర్ తీసుకునే ఉద్యోగులకు.. మరోసారి ఆలోచించుకోమని సలహా కూడా ఇస్తుంది అమెజాన్. ఆఫర్ మెమోపై కూడా 'Please don't take this offer' అని నోట్ ఉంటుంది. ఈ ఆఫర్తో ఉద్యోగం వదిలేయకండి.. అని కంపెనీ సలహా ఇచ్చేందుకు కారణం లేకపోలేదు. ఒక సారి ఈ ఆఫర్ను వినియోగించుకుంటే.. భవిష్యత్లో మళ్లీ అమెజాన్లో ఆ వ్యక్తి ఉద్యోగం చేయడం కుదరదు.
ఇది అమెజాన్ సొంత కాన్సెప్ట్ కాదు..
'పే టూ క్విట్' కాన్సెప్ట్ నిజానికి అమెజాన్ సొంతం కాదు. ఆన్లైన్ షూ రిటైలర్ 'జాప్పస్'.. ఇలాంటి కాన్సెప్ట్ను పరిచయం చేసింది. కొత్తగా చేరిన ఉద్యోగులు కంపెనీ నచ్చక వీడదామనుకుంటే.. అలాంటి వారికి వెయ్యి డాలర్లు చెల్లించేది ఆ కంపెనీ. 2009లో జాప్పస్ను అమెజాన్ కొనుగోలు చేసింది. ఆ తర్వాత ఈ కాన్సెప్ట్లో పలు మార్పులు చేసి.. తమ ఉద్యోగులకు వర్తింపజేస్తోంది.
ఇవీ చదవండి:
