యాపిల్​, గూగుల్​ను వెనక్కు నెట్టేసిన అమెజాన్​

అంతర్జాతీయ బ్రాండ్​ రారాజు గూగుల్​ స్థానాన్ని వ్యాపార దిగ్గజం అమెజాన్​ కైవసం చేసుకుంది. ​గూగుల్​, యాపిల్​ సంస్థలను దాటుకుని అత్యంత విలువైన బ్రాండ్​గా మొదటి స్థానాన్ని ఆక్రమించింది అమెజాన్​.

ఆన్​లైన్​ వ్యాపార దిగ్గజం అమెజాన్​ మరో ఘనత సాధించింది. ఇంటర్నెట్​ సంచలనం గూగుల్​ను దాటేసి అత్యంత విలువైన బ్రాండ్​గా మొదటి స్థానాన్ని కైవసం చేసుకుంది. ప్రపంచ మార్కెట్​ పరిశోధక సంస్థ 'కంటార్​' విడుదల చేసిన '100 టాప్​ బ్రాండ్స్​-2019' జాబితాలో యాపిల్, గూగుల్​ తర్వాతి స్థానాల్లో నిలిచాయి.

మొదటి స్థానంలో ఉన్న గూగుల్​ను మూడో స్థానానికి నెట్టింది అమెజాన్​. యాపిల్​ మాత్రం తన రెండో స్థానాన్ని పదిలపరుచుకుంది. గతేడాదితో పోలిస్తే 52 శాతం పెరిగిన అమెజాన్​ బ్రాండ్​ విలువ 315 బిలియన్​ డాలర్లకు చేరుకుంది.

మొదటి 8 స్థానాల్లో...

1. అమెజాన్​ - 315 బిలియన్ డాలర్లు
2. యాపిల్​ - 309.5 బిలియన్​ డాలర్లు
3. గూగుల్​ - 309 బిలియన్​ డాలర్లు
4. మైక్రోసాఫ్ట్​- 251 బిలియన్​ డాలర్లు
5. వీసా- 178 బిలియన్​ డాలర్లు
6. ఫేస్​బుక్​ - 159 బిలియన్​ డాలర్లు
7. అలీబాబా - 131.2 బిలియన్​ డాలర్లు
8. టెన్సెంట్​- 130.9బిలియన్​ డాలర్లు

ఈ 100 స్థానాల్లో 23 ఆసియాకు చెందినవి కాగా అందులో 15 సంస్థలు చైనావే. ఆసియా పరంగా చూస్తే చైనా ఆన్​లైన్​ రిటైల్​ సంస్థ అలీబాబా మొదటి స్థానంలో నిలిచింది.

అమెజాన్​ ప్రస్థానం

1994లో అమెరికాలోని సియాటెల్​ వేదికగా అమెజాన్​ను జెఫ్​ బెజోస్​ ప్రారంభించారు. కొత్త తరహా ఆదాయ వనరులను అమెజాన్​ సృష్టించింది. మంచి సేవలందిస్తూ పోటీదారులను వెనక్కునెడుతూ ముందుకుసాగింది.

ఇదీ చూడండి: 'వార్తలు వారివి... కోట్ల డాలర్లు గూగుల్​వి'