టెలికాం సంస్థ వొడాపోన్-ఐడియా తమ సర్వీసులకు సంబంధించి కీలక నిర్ణయం తీసుకుంది. తమ పోస్ట్పెయిడ్ సర్వీసుకు పేరు మారుస్తున్నట్లు ప్రకటించింది. ఐడియా అనే పదాన్ని తమ బ్రాండ్ నేమ్ నుంచి తొలగిస్తున్నట్లు పేర్కొంది. ప్రీపెయిడ్ సర్వీసులు మాత్రం వొడాఫోన్, ఐడియా పేర్లతోనే కొనసాగుతాయని స్పష్టం చేసింది.
దీనికి ప్రత్యామ్నాయంగా వొడాఫోన్-ఐడియా పోస్ట్పెయిడ్ వినియోగదారులందరికీ 'వొడాఫోన్ రెడ్ ప్లాన్' అందుబాటులో ఉంటుందని సంస్థ వెల్లడించింది. కొత్తగా చేరే వినియోగదారులకు నేరుగా వొడాఫోన్ రెడ్ ప్లాన్ వర్తిస్తుందని స్పష్టం చేసింది. ప్రస్తుతమున్న కస్టమర్లు ఆటోమేటిక్గా ఈ ప్లాన్కు మారతారని పేర్కొంది.
వొడాఫోన్, ఐడియా సెల్యులార్లు 2018లోనే విలీనమై వొడాఫోన్ ఐడియా లిమిటెడ్గా మారింది. కంపెనీ ప్రణాళికలో భాగంగానే వొడాఫోన్ రెడ్ ప్లాన్ను అందుబాటులోకి తీసుకొచ్చినట్లు ప్రకటించిందీ వ్యాపార సంస్థ.
ఇదీ చదవండి: యూట్యూబ్లో 'డియర్ కామ్రేడ్' మరో రికార్డు
