చైనా స్మార్ట్ఫోన్ బ్రాండ్, వివో తన కొత్త 'ఎస్' సిరీస్ స్మార్ట్ఫోన్ 'వివో ఎస్1'ను ఆగష్టు 7న భారత్ మార్కెట్లో విడుదల చేయబోతున్నట్లు ప్రకటించింది. అంతర్జాతీయ విపణిలో ఇప్పటికే ఈ మోడల్ విడుదలైంది. అవే స్పెసిఫికేషన్లతో భారతీయులకు అందుబాటులోకి రానుంది.
భారత్లో వివో ఎస్1 ధరలు...
ఇండియాషాప్స్.కామ్ వెబ్సైట్ ప్రకారం... వివో ఎస్ సిరీస్ ఫోన్ మూడు వేరియంట్లతో భారత్ మార్కెట్లోకి వస్తోంది. 4జీబీ ర్యామ్, 128 జీబీ స్టోరేజి సామర్థ్యంగల 'వివో ఎస్1' బేస్ మోడల్ ధర రూ.17,990 ఉంటుందని ఇండియాషాప్స్ పేర్కొంది.
6జీబీ ర్యామ్, 128 జీబీ స్టోరేజ్గల రెండో మోడల్ వివో ఎస్1 ధర రూ.19,990లుగా ఉండబోతోంది. 8జీబీ ర్యామ్, 128 జీబీ స్టోరేజ్ సామర్థ్యంగల మూడో మోడల్ ధర రూ.24, 990.
వివో ఎస్1 ప్రత్యేకతలు
వివో ఎస్1 ఇంటర్నేషన్ వేరియంట్లో (4 జీబీ, 6జీబీ, 8జీబీ)
ప్రాసెసర్ : ఆక్టా కోర్ మీడియాటెక్ హీలియో పి65 ప్రాసెసర్
స్టోరేజ్ : 128 జీబీ వరకు
ఓఎస్ : ఆండ్రాయిడ్ 9 సహా వివో సొంత ఫన్టచ్ ఓఎస్ 9
డిస్ప్లే : 6.38 అంగుళాల పూర్తి హెచ్డీ+ సూపర్ అమోలెడ్ డిస్ప్లే
బ్యాటరీ : 4500 ఎంఏహెచ్ బ్యాటరీ
వాటర్ డ్రాప్ నాచ్, స్లిమ్ బెజల్స్
స్క్రీన్ రిజల్యూషన్ : 1080x2340 పిక్సెల్స్
కెమెరా : వివో ఎస్1లోని వెనుక కెమెరా సెటప్లో 16 ఎంపీ, 8 ఎంపీ, 2 ఎంపీ డెప్త్ సెన్సార్లు ఉంటాయి. ముందు వైపు 32 ఎంపీ ఆర్టిఫీషియల్ ఇంటెలిజెన్స్ సెల్ఫీ కెమెరా ఈ మోడల్ ప్రత్యేకత.
ఇన్ డిస్ప్లే ఫింగర్ప్రింట్ సెన్సార్, ఇంకా మరెన్నో ఫీచర్లు ఈ వివో ఎస్1లో ఉన్నాయి.
ఇదీ చూడండి: 'కాఫీ డే' సిద్ధార్థకు అన్ని వేల కోట్లు అప్పులా..?
