మూడేళ్ల కాలంలో నగదు చెల్లింపుల్లో భారీ మార్పులు జరుగుతాయని యాక్సెంచర్ నివేదిక వెల్లడించింది. 2023 కల్లా 270.7 బిలియన్ డాలర్ల విలువైన 6,600 కోట్ల లావాదేవీలు కార్డులు, డిజిటల్ రూపంలోకి మారుతాయని తెలిపింది.
"ప్లేయింగ్ ది లాంగ్ గేమ్ ఇన్ పేమెంట్స్ మోడర్నైజేషన్" పేరుతో ఈ నివేదికను యాక్సెంచర్ విడుదల చేసింది. కరోనా నేపథ్యంలో బ్యాంకుల వ్యవస్థను ఆధునికీకరించాల్సిన అవసరం ఉందని యాక్సెంచర్ తెలిపింది. అందువల్ల డిజిటల్ పేమెంట్స్ భారీగా పెరుగుతున్నాయని స్పష్టం చేసింది.
2023 నాటికి డిజిటల్ రూపంలో మొత్తం 7 ట్రిలియన్ డాలర్ల విలువైన 42 వేల లావాదేవీలు జరుగుతాయని యాక్సెంచర్ అంచనా వేసింది. 2030 నాటికి ఆ లావాదేవీలు 48 ట్రిలియన్ల డాలర్లకు పెరుగుతాయని తెలిపింది.
ఇదీ చూడండి: ఐదేళ్లలో గణనీయంగా పెరిగిన డిజిటల్ చెల్లింపులు
