టీవీ ఛానెళ్ల ఎంపికలో డీటీహెచ్, కేబుల్ నెట్వర్క్ వినియోగదారులకు మరిన్ని వెసులుబాట్లు కల్పించింది టెలికాం నియంత్రణ సంస్థ (ట్రాయ్). వినియోగదారులకు నచ్చిన ఛానెళ్లను ఎంపిక చేసుకునేందుకు వీలుగా.. 'ఛానెల్ సెలెక్టర్' అనే మొబైల్ యాప్ను ఆవిష్కరించింది. దీని ద్వారా వినియోగదారులు తమకు నచ్చిన ఛానెళ్లు మాత్రమే ఎంపిక చేసుకుని చూసేందుకు వీలు కలగనుంది.
వినియోగదారులకు వారు చూడని ఛానెళ్లకు అనవసరంగా డబ్బులు చెల్లించకుండా ఈ యాప్ ఉపయోగపడుతుందని ట్రాయ్ పేర్కొంది.
రిజిస్ట్రేషన్ ప్రక్రియ..
- గూగుల్ ప్లే స్టోర్, యాపిల్ ఐ స్టోర్ నుంచి ఈ యాప్ను డౌన్లోడ్ చేసుకోవచ్చు.
- 'సెట్ టాప్ బాక్స్' నంబర్ లేదా రిజిస్టర్డ్ మొబైల్ నంబర్తో యాప్లోకి లాగ్ఇన్ అవ్వాల్సి ఉంటుంది.
- టీవీ స్క్రీన్పై కనిపించే ఓటీపీని నమోదు చేయడం ద్వారా ఈ ప్రక్రియ పూర్తవుతుంది.
యాప్లో ఉండే ఫీచర్లు..
ఛానెల్ సెలెక్టర్ యాప్ ద్వారా.. ఛానెళ్ల ఎంపికతో పాటు వాటి వ్యాలిడిటీ, నెలవారీ చందా వంటి వివరాలు పొందొచ్చు. వినియోగదారుల ప్రస్తుత ప్లాన్లు, గడువు ముగింపు వివరాలన్నీ కూడా తెలుసుకోవచ్చు.
ఇప్పటికే దాదాపు అన్ని డీజీహెచ్, కేబుల్ ఆపరేటర్లను ఈ యాప్తో అనుసంధానించినట్లు 'ట్రాయ్' వెల్లడించింది. త్వరలోనే ఇతర ఆపరేటర్లను ఈ యాప్తో అనుసంధానిస్తామని పేర్కొంది.
యాప్ డేటా సురక్షితం!
ఈ యాప్ వాడే వినియోగదారుల డేటాను సేకరించబోమని ట్రాయ్ ఛైర్పర్సన్ ఆర్.ఎస్. శర్మ వెల్లడించారు. వినియోగదారుల నుంచి తీసుకున్న ప్రాథమిక వివరాల డేటానూ వారి మొబైళ్లలోనే భద్రపరుస్తామని తెలిపారు.
ఇదీ చూడండి:దిగొచ్చిన బంగారం ధర- పసిడి బాటలోనే వెండి
