కేంద్రం పెట్రోల్, డీజిల్పై ఎక్సైజ్ సుంకం తగ్గించాక వాటిపై విధిస్తున్న పన్నుల శాతం(total tax on petrol) 50, 40కి దిగొచ్చింది. పలు రాష్ట్రాల్లో వ్యాట్ను కూడా తగ్గించడం వల్ల ఈ పన్నుల శాతం అక్కడ ఇంకాస్త తక్కువగానే ఉంది(total tax on diesel).
అంతర్జాతీయ మార్కెట్లో చమురు ధరకు రవాణా ఛార్జీలు జోడిస్తే అది ప్రాథమిక ధర. దీనికి కేంద్ర ఎక్సైజ్ సుంకం, రాష్ట్రాలు విధించే వ్యాట్, డీలర్లకు చెల్లించే కమీషన్ను జతచేసి పెట్రోల్, డీజిల్ రిటైల్ ధరను నిర్ణయిస్తారు.
చమురు ధరలు తగ్గడానికి ముందు నవంబర్ 3వరకు లీటర్ పెట్రోల్పై కేంద్రం రూ.32.90 ఎక్సైజ్ సుంకం విధించేది(total tax on petrol in india). దిల్లీ ప్రభుత్వం 30శాతం వ్యాట్ వసూలు చేసింది. దీంతో దేశ రాజధానిలో పెట్రోల్పై పన్నుల శాతం 54గా ఉండేది. అయితే కేంద్రం ఎక్సైజ్ సుంకంలో కోత విధించి పెట్రోల్ ధరను రూ.5 తగ్గించాక ఇది 50శాతానికి దిగొచ్చింది. కేంద్రం నిర్ణయం తర్వాత దేశంలోని 20 రాష్ట్రాలు, కేంద్రపాలిత ప్రాంతాలు కూడా వ్యాట్ను తగ్గించాయి. పలు రాష్ట్రాల్లో పెట్రోల్పై పన్నుల శాతం 50 కంటే ఇంకాస్త తక్కువగానే ఉంది.
అలాగే డీజిల్పై కూడా కేంద్ర ఎక్సైజ్ సుంకం లీటర్కు రూ.31.8గా ఉండేది. దిల్లీ ప్రభుత్వం విధించే 16.75శాతం వ్యాట్, ఎయిర్ యాంబియెన్స్ ఛార్జీతో కలిపి డీజిల్పై పన్నుల శాతం నవంబర్ 3వరకు 48శాతంగా ఉంది(total tax on diesel in india). అయితే కేంద్రం డీజిల్పై ఎక్సైజ్ సుంకంలో రూ.10 కోత విధించాక దీనిపై పన్నుల శాతం దిల్లీలో 40శాతానికి దిగొచ్చింది. వ్యాట్ తగ్గించిన ఇతర రాష్ట్రాల్లో ఈ శాతం ఇంకా తక్కువే.
చుమురు ధర, రవాణా ఛార్జీలతో కలిపి కనీస ఇంధన ధర రూ.52 నుంచి రూ.59.89 మధ్య ఉంటుంది(petrol diesel price). రాష్ట్రాలు, కేంద్రపాలిత ప్రాంతాలను బట్టి ఈ ధరలో వ్యత్యాసం ఉంటుంది. అయితే కేంద్ర ఎక్సైజ్ సుంకం, రాష్ట్రాల వ్యాట్తో కలిపి చమురు ధరలు పెరుగుతాయి(petrol price in india).
రాజస్థాన్లో అత్యధికం..
రాజస్థాన్ పెట్రోల్పై అత్యధికంగా రూ.30.51వ్యాట్ విధిస్తోంది. ఆ తర్వాత మహరాష్ట్ర రూ.29.99, ఆంధ్రప్రదేశ్ రూ.29.02, మధ్యప్రదేశ్ రూ.26.87 వ్యాట్ రూపంలో వసూలు చేస్తున్నాయి. అత్యల్పంగా అండమాన్ నికోబార్ పెట్రోల్పై రూ.4.93 మాత్రమే వ్యాట్ విధిస్తోంది.
డీజిల్ విషయానికొస్తే ఆంధ్రప్రదేశ్ అత్యధికంగా రూ.21.19 వ్యాట్ వసూలు చేస్తోంది. ఆ తర్వాత రాజస్థాన్ రూ.21.14, మహారాష్ట్ర రూ.20.21 వ్యాట్ విధిస్తున్నాయి. హిమాచల్ ప్రదేశ్ డీజిల్పై అత్యల్పంగా రూ.4.40 వ్యాట్ వసూలు చేస్తోంది. ఆ తర్వాత అండమాన్ నికోబార్లో ఇది రూ.4.58గా ఉంది.
ఈ సుంకాలతో పాటు పెట్రోల్ బంకు డీలర్లకు లీటర్ పెట్రోల్కు రూ.3.85, డీజిల్కు రూ.2.58 కమీషన్ చెల్లిస్తారు.
భాజపా పాలిత రాష్ట్రాల్లో..
కేంద్రం ఎక్సైజ్ సుంకం తగ్గించాక భాజపా పాలిత రాష్ట్ర ప్రభుత్వాలు పెట్రోల్, డీజిల్పై వ్యాట్ను(total tax on diesel in india) రూ.8.7, రూ.9.52 మేర తగ్గించాయి. లాద్దాక్, పుదుచ్చేరి వంటి కేంద్రపాలిత ప్రాంతాలు కూడా కేంద్రం స్థాయిలోనే పన్నులో కోత విధించాయి. దీంతో ఇతర రాష్ట్రాలతో పోల్చితే భాజపా అధికారంలో ఉన్న రాష్ట్రాల్లో ఇంధన ధరలు భారీగా తగ్గాయి.
ఎక్సైజ్ సుంకం కంటే వ్యాట్ను ఎక్కువగా తగ్గించిన రాష్ట్రాల్లో కర్ణాటక, పుదుచ్చేరి, మిజోరం, అరుణాచల్ ప్రదేశ్, మణిపుర్, నాగలాండ్, త్రిపుర, అసోం, సిక్కిం, బిహార్, మధ్యప్రదేశ్ ఉన్నాయి. గోవా, గుజరాత్, దాద్రా నగర్ హవేలీ, దమన్ దీవ్, చండీగడ్, హరియాణా, హిమాచల్ ప్రదేశ్, జమ్ముకశ్మీర్, ఉత్తరాఖండ్, ఉత్తర్ప్రదేశ్, ఒడిశా, లద్దాక్ కూడా వ్యాట్లో కోత విధించాయి.
వ్యాట్ తగ్గించని రాష్ట్రాలు..
కాంగ్రెస్, దాని మిత్రపక్షాలు అధికారంలో ఉన్న రాజస్థాన్, పంజాబ్, ఛత్తీస్గఢ్, మహారాష్ట్ర, ఝార్ఖండ్, తమిళనాడు రాష్ట్రాల్లో వ్యాట్ను తగ్గించలేదు. అలాగే ఆప్ అధికారంలో ఉన్న దిల్లీ, టీఎంసీ పాలిత రాష్ట్రం బంగాల్, వామపక్షాలు పాలిస్తున్న కేరళ, తెరాస అధికారంలో ఉన్న తెలంగాణ, వైకాపా ప్రభుత్వమున్న ఆంధ్రప్రదేశ్లో వ్యాట్ను తగ్గించలేదు.
అన్ని సుంకాలతో కలిపి దేశంలో పెట్రోల్ ధర అత్యధికంగా రాజస్థాన్లో ఉంది. జైపుర్లో లీటర్ పెట్రోల్ను రూ.111.10కి విక్రయిస్తున్నారు. ఆ తర్వాత మహారాష్ట్ర ముంబయిలో పెట్రోల్ ధర రూ.109.98గా ఉంది. ఆంధ్రప్రదేశ్లో రూ.109.09గా ఉంది. కర్ణాటక, మధ్యప్రదేశ్, బిహార్, లద్దాక్ మినహా భాజపా దాని మిత్రపక్షాలు అధికారంలో ఉన్న రాష్ట్రాల్లో పెట్రోల్ ధర రూ.100లోపే ఉంది.
ఇదీ చదవండి: పెట్రో పీడనకు సరైన విరుగుడు అప్పుడే!
