ద్విచక్ర వాహనాలకు అతిపెద్ద మార్కెట్లలో భారత్ ఒకటి. మన దేశంలో బడ్జెట్ సెగ్మెంట్లోని బైక్లకు ఆధరణ ఎక్కువగా ఉంటుంది. గత కొనేళ్లుగా ఈ విభాగంలో పోటీ ఎక్కువై.. మార్కెట్లోకి కొత్త కొత్త మోడళ్లు వచ్చాయి. బీఎస్6 ఉద్గార నియమాల వల్ల బైక్ల ధరలు కాస్త పెరిగిగాయి. అంతకుమందు రూ.లక్షలోపు ఉండే బైక్లు ఇప్పుడు రూ.లక్ష దాటాయి. అయితే.. ప్రదర్శనతో పాటు బడ్జెట్ను పరిగణనలోకి తీసుకుని బైక్ కొనుగోలు చేయటం ఉత్తమం. మరి ప్రస్తుతం రూ.లక్షలోపు ఉన్న కొన్ని బెస్ట్ మోడల్స్ని పరిశీలిద్దాం..
బజాజ్ పల్సర్ 150
ఇది చాలా పాపులర్ బైక్. ఐదు వేరియంట్లు, 12 కలర్లలో ఇది లభిస్తుంది. నియాన్, స్టాండర్డ్, ట్విన్ డిస్క్ వేరియంట్ల ఇందులో ఉన్నాయి.
- ఇంజిన్ - 149.5 సీసీ
- వేరియంట్లు - నియాన్, స్టాండర్డ్, ట్విన్ డిస్క్
- గేర్ బాక్స్- 5 స్పీడ్
- మైలేజీ - లీటర్కు 50 కిలోమీటర్లు
- 240 ఎంఎం ఫ్రంట్ డిస్క్ , 130 ఎంఎం రియర్ డ్రమ్ బ్రేక్
- ధర- రూ.103,597 నుంచి రూ.107,494 (ఎక్స్ షోరూం హైదరాబాద్)పల్సర్ 150
హోండా యూనికార్న్
బీఎస్6 యూనికార్న్ బైక్ను దాదాపు సంవత్సరం క్రితం విడుదల చేసింది. ఇది కేవలం ఒక వేరియంట్ లోనే ఉంది.
- ఇంజిన్ - 162.77 సీసీ
- గేర్ బాక్స్ - 5 స్పీడ్
- మైలేజీ - 50 కిలోమీటర్లు
- ధర- రూ. 99,030 (ఎక్స్ షోరూం హైదరాబాద్)హోండా యూనికార్న్
బజాజ్ పల్సర్ 125 డిస్క్
ఇది పల్సర్ 150ని పోలి ఉంటుంది. 6 కలర్లలో ఈ బైక్ లభ్యం అవుతుంది.
- ఇంజిన్ - 124.4 సీసీ
- గేర్ బాక్స్ - 5 స్పీడ్
- మైలేజీ - 51 కిలోమీటర్లు
- 12 బీహెచ్పీ , 11 ఎన్ఎం పీక్ టార్ సామర్థ్యం
- 240 ఎంఎం ఫ్రంట్ డిస్క్ బ్రేక్, 130 ఎంఎం రియర్ డ్రమ్ బ్రేక్
- ధర రూ. 74,835 (ఎక్స్ షోరూం హైదరాబాద్)పల్సర్ 125
హోండా ఎస్పీ 125
ఇది హోండా నుంచి వచ్చిన మొదటి బీఎస్ 6 బైక్. ఇది రెండు వేరియంట్లు, నాలుగు కలర్లలో ఉంది. 19 కొత్త పేటెంట్ సాంకేతికతలు, ఫీచర్లతో వచ్చింది. దీనికి ఎల్ఈడీ హెడ్ ల్యాంప్, పూర్తి డిజిటల్ ఇన్స్రూమెంట్ కన్సోల్ ఉన్నాయి. డ్రామ్ బ్రేక్స్ తో ఇది లభిస్తుంది. డిస్క్ బ్రేక్ ను కూడా ఎంచుకోవచ్చు.
- ఇంజిన్ - 124 సీసీ
- 10.5 బీహెచ్పీ, 11ఎన్ఎం పీక్ టార్క్
- గేర్ బాక్స్ - 5 స్పీడ్
- మైలేజీ - 65 కిలోమీటర్లు
- ధర - రూ.77,127 నుంచి రూ. 81,512 (ఎక్స్ షోరూం హైదరాబాద్)హోండా ఎస్పీ 125
హిరో గ్లామర్
న్యూ జనరేషన్ హిరో గ్లామర్ గతేడాది విడుదలైంది. ఆరు వేరియంట్లు, ఆరు కలర్లలో ఈ బైక్ అందుబాటులో ఉంది. న్యూ డైమండ్ ఫ్రేమ్తో ఇది లభిస్తుంది. దీనివల్ల హ్యాండ్లింగ్ మెరుగవటమే కాకుండా గ్రౌండ్ క్లియరెన్స్ 180 ఎంఎంకు పెరిగింది. ఇంధన సామర్థ్యాన్ని మెరుగుపరిచేందుకు ప్రత్యేక స్టాప్ స్టార్ట్ వ్యవస్థ ఈ బైక్లో ఉన్నాయి.
- ఇంజిన్ - 125సీసీ ఇంజిన్,
- 111 బీహెచ్పీ, 11 ఎన్ఎం టార్క్
- గేర్ బాక్స్ - 5 స్పీడ్
- మైలేజీ - 55 కిలోమీటర్లు
- ధర - రూ. 75,700 నుంచి రూ.78,600 (ఎక్స్ షోరూం హైదరాబాద్)హీరో గ్లామర్
హోండా షైన్
ఇది రెండు వేరియంట్లు, నాలుగు కలర్లలో అందుబాటులో ఉంది. ఏసీజీ సైలెంట్ స్టార్ట్ సిస్టమ్, ఇంజిన్ స్టార్ట్-స్టాప్ స్విచ్, ట్యూబ్ లెస్ టైర్ల వంటి ప్రత్యేకతలు ఈ బైక్కు ఉన్నాయి.
- ఇంజిన్ - 125 సీసీ, బీఎస్ 6
- 11 బీహెచ్పీ, 10.9 ఎన్ఎం టార్క్
- గేర్ బాక్స్ స్పీడ్ - 5
- మైలేజీ - 55 కిలోమీటర్లు
- ధర - రూ.73,004 నుంచి రూ. 77,800 (ఎక్స్ షోరూం హైదరాబాద్)
ఇదీ చదవండి:కేంద్రం కొత్త రూల్స్- ఇక వాహనాలకూ నామినీ!
