అమెరికాకు చెందిన ప్రముఖ విద్యుత్ కార్ల దిగ్గజం టెస్లా భారత్లో అడుగుపెట్టనుంది. ఈ మేరకు రిజిస్ట్రార్ ఆఫ్ కంపెనీస్లో 'టెస్లా ఇండియా మోటార్స్' పేరున రిజిస్టర్ చేయించుకుంది. లక్ష రూపాయిల మూలధనంతో ఒక ప్రైవేటు కంపెనీగా పేరు నమోదు అయింది. అయితే దీని కార్యకలాపాలను బెంగళూరు వేదికగా సాగుతాయని కర్ణాటక ముఖ్యమంత్రి యడ్యూరప్ప ట్వీట్ చేశారు. మహారాష్ట్రలో పెట్టుబడులు పెట్టాలని అక్కడి ప్రభుత్వ కోరినప్పటికీ ఈ సంస్థ బెంగళూరుకు తరలివెళ్లింది.
వైభవ్ తనేజా, వెంకట్రంగమ్, శ్రీరామ్, డెవిడ్ జాన్ ఫెయిన్స్టెయిన్ భారత్లో నెలకొల్పే సంస్థకు బోర్డ్ ఆఫ్ డైరెక్టర్స్గా వ్యవహరించనున్నట్లు రిజిస్ట్రార్ ఆఫ్ కంపెనీస్కు అందజేసిన పత్రాల్లో పేర్కొంది. మొదట టాటా మోటార్స్తో జత కట్టాలని ప్రయత్నించిన ఈ ఆటోమొబైల్ దిగ్గజం.. వారి నుంచి ఎటువంటి స్పందన లేకపోవడం కారణంగా ప్రయత్నాలను విరమించుకొంది.
అయితే టెస్లా రాకపై గతంలోనే కేంద్ర మంత్రి నితిన్ గడ్కరీ స్పందిచారు. కొత్త ఏడాదిలో ఈ సంస్థ తన కార్యకలాపాలను భారత్ నుంచి కొనసాగిస్తుందని అన్నారు. ఇది వచ్చే ఐదేళ్లలో ప్రపంచంలోనే అతిపెద్ద విద్యుత్ వాహనాల తయారీ కేంద్రం కానుందని తెలిపారు.
