Tata Safari Dark Edition: ఆటోమొబైల్ దిగ్గజం టాటా మోటర్స్ మరో వాహనంతో మార్కెట్లోకి వచ్చింది. ప్రీమియం ఎస్యూవీ రకానికి చెందిన సఫారీ డార్క్ ఎడిషన్ను విడుదల చేసింది. అత్యాధునిక ఫీచర్లతో రూపొందించిన ఈ కొత్త ఎస్యూవీ ప్రారంభ ధరను రూ.19.05 లక్షలుగా(ఎక్స్‌షోరూం) నిర్ణయించింది.
ప్రస్తుతం డార్క్ సఫారీ బుకింగ్స్ ప్రారంభమైనట్లు సంస్థ పేర్కొంది. దేశవ్యాప్తంగా తమ డీలర్ల వద్ద ఈ కార్లు అందుబాటులో ఉన్నట్లు తెలిపింది. ఈ కొత్త ఎస్యూవీ ఎక్స్టీ ప్లస్/ఎక్స్టీఏ ప్లస్, ఎక్స్జెడ్ ప్లస్/ఎక్స్జెడ్ఏ ప్లస్ వేరియంట్లలో లభిస్తుంది.
ఈ సఫారీలో మొదటి, రెండో వరుసల్లో వెంటిలేటెడ్ సీట్లు, ఎయిర్ ప్యూరిఫైయర్ ఉంటాయి. అత్యాధునిక ఫీచర్లతో పాటు ఆండ్రాయిడ్ ఆటో, యాపిల్ కార్ ప్లే ఫీచర్లు ఉన్నాయి.
ఇదీ చూడండి: పండుగ రోజున 'మారుతి' షాక్- కార్ల ధరలు భారీగా పెంపు
