చివరి సెషన్లో భారీ లాభాల్లో ముగిసిన స్టాక్మార్కెట్లు ఇవాళ కుప్పకూలాయి. మదుపర్లు లాభాల స్వీకరణకు దిగడమే ఇందుకు కారణం. ఒక దశలో బొంబాయి స్టాక్ ఎక్స్చేంజి సూచీ సెన్సెక్స్ 750 పాయింట్లకుపైగా నష్టపోయింది. చివరకు 695 పాయింట్లు కోల్పోయి.. 43 వేల 828 వద్ద సెషన్ను ముగించింది.
ఆరంభ ట్రేడింగ్లో సెన్సెక్స్ 44 వేల 825 పాయింట్ల వద్ద జీవితకాల గరిష్ఠాన్ని తాకింది. అనంతరం.. ఏ కుదేలైన సూచీ ఏ దశలోనూ కోలుకోలేదు.
జాతీయ స్టాక్ ఎక్స్చేంజి సూచీ నిఫ్టీ 197 పాయింట్లు క్షీణించి.. 12 వేల 858 వద్ద స్థిరపడింది.
3 తప్ప..
స్థిరాస్తి, టెలికాం, బ్యాంకింగ్ షేర్లు అత్యధికంగా నష్టపోయాయి. బీఎస్ఈ 30 షేర్లలో ఓఎన్జీసీ, పవర్గ్రిడ్, ఇండస్ఇండ్ బ్యాంక్ తప్ప.. అన్నింటికీ నష్టాలే. యాక్సిస్ బ్యాంక్, కోటక్ మహీంద్రా బ్యాంక్ అత్యధికంగా 3 శాతానికిపైగా డీలాపడ్డాయి. బజాజ్ ఫిన్సర్వ్, ఏషియన్ పెయింట్స్ హెచ్డీఎఫ్సీ, సన్ ఫార్మా, భారతీ ఎయిర్టెల్ 2 శాతం మేర కోల్పోయాయి.
ఈ ఒక్క సెషన్లోనే దాదాపు రూ. 2 లక్షల కోట్ల మదుపర్ల సంపద ఆవిరైంది.
