స్టాక్ మార్కెట్లు వరుసగా మూడో రోజూ నష్టాలతో ముగిశాయి. బీఎస్ఈ-సెన్సెక్స్ 129 పాయింట్లు కోల్పోయి 37,607 వద్దకు చేరింది. ఎన్ఎస్ఈ-నిఫ్టీ 29 పాయింట్ల నష్టంతో 11,073 వద్ద స్థిరపడింది.
కరోనా కారణంగా ప్రపంచవ్యాప్తంగా చాలా దేశాల ఆర్థిక వ్యవస్థలు భారీగా క్షీణించినట్లు నివేదికలు వెలువడటం మదుపరుల సెంటిమెంట్ను దెబ్బతీసింది. దీనితో అమ్మకాలపై దృష్టి సారించారు. ముఖ్యంగా హెవీ వెయిట్ షేర్లలో నమోదైన అమ్మకాలు నష్టాలకు ప్రధాన కారణంగా చెబుతున్నారు మార్కెట్ నిపుణులు.
ఒడుదొడుకుల్లోనూ ఫార్మా, ఆటో, ఐటీ షేర్లు సానుకూలంగా స్పందించడం గమనార్హం.
ఇంట్రాడే సాగిందిలా..
సెన్సెక్స్ 37,898 పాయింట్ల అత్యధిక స్థాయి, 37,432 పాయింట్ల అత్యల్ప స్థాయిలను నమోదు చేసింది.
నిఫ్టీ 11,150 పాయింట్ల గరిష్ఠ స్థాయి; 11,027 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
సన్ఫార్మా, ఎస్బీఐ, ఎం&ఎం, యాక్సిస్ బ్యాంక్, హెచ్సీఎల్టెక్, బజాజ్ ఫినాన్స్ షేర్లు లాభపడ్డాయి.
రిలయన్స్ ఇండస్ట్రీస్, హెచ్డీఎఫ్సీ బ్యాంక్, కోటక్ మహీంద్రా బ్యాంక్, బజాజ్ ఆటో, ఏషియన్ పెయింట్స్ నష్టాలను మూటగట్టుకున్నాయి.
ఆసియా మార్కెట్లు..
ఆసియాలో ఇతర ప్రధాన మార్కెట్లు అయి హాంకాంగ్, టోక్యో, సియోల్ సూచీలు నష్టాలను నమోదు చేశాయి. షాంఘై సూచీ మాత్రమే లాభపడింది.
రూపాయి..
కరెన్సీ మార్కెట్లో రూపాయి శుక్రవారం 3 పైసలు బలపడింది. డాలర్తో పోలిస్తే మారకం విలువ రూ.74.81 వద్ద ఉంది.
ఇదీ చూడండి:టీవీల దిగుమతులపై కేంద్రం కొత్త ఆంక్షలు
