దేశీయ స్టాక్మార్కెట్లు లాభాలతో ప్రారంభమయ్యాయి. విదేశీ నిధుల ప్రవాహానికి తోడు, అన్ని కీలక రంగాల షేర్లు రాణించడమే ఇందుకు కారణం.
బొంబాయి స్టాక్ ఎక్స్ఛేంజి సూచీ సెన్సెక్స్ 226 పాయింట్లు వృద్ధిచెంది 41 వేల 686 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 62 పాయింట్లు లాభపడి 12 వేల 237 వద్ద ట్రేడవుతోంది.
లాభనష్టాల్లో
ఏసియన్ పెయింట్స్, హెచ్డీఎఫ్సీ ట్విన్స్, హెచ్సీఎల్ టెక్, ఆల్ట్రాటెక్ సిమెంట్, ఎల్ అండ్టీ, టాటా మోటార్స్, భారతీ ఎయిర్టెల్, సన్ఫార్మా, ఎస్ బ్యాంకు, బీపీసీఎల్, జీఎంటర్టైన్మెంట్, టైటాన్ కంపెనీ, నెస్లే రాణిస్తున్నాయి.
టెక్ మహీంద్రా, రెడ్డీస్ ల్యాబ్స్, జేఎస్డబ్ల్యూ స్టీల్, హెచ్యూఎల్ నష్టాల్లో కొనసాగుతున్నాయి.
ఆసియా మార్కెట్లు
కరోనా భయాలు ఉన్నప్పటికీ కోస్పీ, హాంగ్సెంగ్, షాంగై కాంపోజిట్ రాణిస్తున్నాయి. నిక్కీ మాత్రం నష్టాల్లో ట్రేడవుతోంది. వాల్స్ట్రీట్ నిన్న నష్టాలతో ముగిసింది.
రూపాయి విలువ
ప్రస్తుతం రూపాయి విలువ 5 పైసులు తగ్గి, ప్రస్తుతం డాలరుకు రూ.71.31గా ఉంది.
ముడిచమురు
అంతర్జాతీయంగా ముడిచమురు ధరలు 0.12 శాతం తగ్గాయి. ప్రస్తుతం బ్యారెల్ ధర 56.27 డాలర్లుగా ఉంది.
ఇదీ చూడండి: ఏం స్పీడు గురూ: 6.1 సెకెన్లలో 100 కి.మీ వేగం!
