స్మార్ట్ ఫోన్ కంపెనీలు ఇప్పటి వరకు కొత్త మోడళ్లు తీసుకురావటంలో పోటీ పడటం చూశాం. కానీ ఇటీవల కాలంలో కొన్ని కంపెనీల ఉన్నతాధికారులు ట్విట్టర్ వేదికగా ప్రత్యర్థి కంపెనీల మొబైల్స్పై విమర్శలకు దిగుతున్నారు. నెటిజన్లు వారిపై మీమ్లు, జోకులు వేసుకునేందుకు వారే కారణమవుతున్నారు.
షామీ ఎండీ ఆజ్యం..
సామాజిక మాధ్యమాల వేదికగా ప్రత్యర్థి మొబైల్ కంపెనీల మోడల్స్పై విమర్శలకు తెరలేపారు షామీ మేనేజింగ్ డైరెక్టర్ మను కుమార్ జైన్. రియల్ మీ మొబైల్పై ఆయన చేసిన ట్వీట్ సోషల్ మీడియా వార్కు దారితీసింది.
"రియల్ మీ 3 ప్రోలో వాడిన క్వాల్కామ్ స్నాప్ డ్రాగన్ 710.. రెడ్ మీ నోట్ 7 ప్రోలో వాడిన స్నాప్ డ్రాగన్ 625 కన్నా చాలా పాతది."
-ట్విట్టర్లో షామీ ఎండీ జైన్
షామీ ఉత్పత్తుల దిగుమతులు గతేడాదితో పోలిస్తే 2 శాతం తగ్గాయి. గతేడాది ఇదే త్రైమాసికంలో 31 శాతం మార్కెట్ వాటా నమోదు చేసింది షామీ. అయితే తొలి త్రైమాసికంలో భారత్లో అగ్రగామిగా షామీ తన స్థానాన్ని నిలుపుకుంది.
దీటుగా సమాధానం
జైన్ వ్యాఖ్యలపై దీటుగా స్పందించారు రియల్ మీ ఇండియా సీఈఓ మాధవ్ సేఠ్.
"రియల్ మీ విజయాన్ని చూసి 'షామీ ఆత్మరక్షణ'లో పడింది. కొందరు భయపడుతున్నారు."
-రియల్ మీ ఇండియా సీఈఓ మాధవ్ సేఠ్ ట్వీట్
2019 మొదటి త్రైమాసికంలో భారత స్మార్ట్ ఫోన్ మార్కెట్లో రియల్ మీ 7 శాతం మార్కెట్ వాటాను దక్కించుకోవడాన్ని బట్టి చూస్తే.. షామీ అలా స్పందించడంలో తప్పులేదని విమర్శించారు.
2018లో భారత్లోకి ప్రవేశించిన రియల్ మీ అతితక్కువ కాలంలో 60 లక్షల స్మార్ట్ ఫోన్లు విక్రయించిన సంస్థగా రికార్డు సాధించింది.
రెడ్ మీపై విమర్శలు చేసిన మాధవ్ సేఠ్ మరో మొబైల్ దిగ్గజం వివోను మాత్రం వెనకేసుకొచ్చారు. 2019 మొదటి త్రైమాసికంలో గతంలో ఎన్నడూ లేనంతగా వివో మార్కెట్ వాటాను దక్కించుకుందన్నారు.
నెమ్మదిగా ఈ ట్వీట్లు చర్చకు దారితీస్తున్న సమయంలో ఒరిజినల్ ట్వీట్లను డిలీట్ చేశారు ఈ స్మార్ట్ ఫోన్ సంస్థల బాసులు.
ఇదీ చూడండి: పసిబిడ్డ హత్యకు తల్లి యత్నం- కాపాడిన శునకం
