దేశవ్యాప్తంగా పలు ఆటోమొబైల్ కంపెనీలు.. ఎలక్ట్రిక్ వాహనాల ఉత్పత్తిపై దృష్టి సారిస్తున్నాయి. ప్రముఖ క్యాబ్ సేవల సంస్థ ఓలా ఉత్పత్తి చేసిన ఈ స్కూటర్లు ఆగస్టు 15 నుంచి మార్కెట్లోకి రానున్నాయి. ఈ క్రమంలో ఓలాకు పోటీగా.. బెంగళూరుకు చెందిన అంకుర సంస్థ సింపుల్ ఎనర్జీ.. 'సింపుల్ వన్' అనే పేరుతో ఈ స్కూటర్ల అమ్మకానికి సిద్ధమైంది. ఆగస్టు 15న దేశవ్యాప్తంగా 13 రాష్ట్రాల్లో వీటిని అందుబాటులోకి తీసుకురానుంది. ఆ రోజు నుంచే ఈ స్కూటర్ల కోసం బుకింగ్స్ చేసుకోవచ్చని సంస్థ తెలిపింది. అంతేకాక వచ్చే రెండేళ్లలో ఈ స్కూటర్ల ఉత్పత్తిపై రూ.350కోట్ల పెట్టుబడులు పెట్టనున్నట్లు వివరించింది.
ఆ రాష్ట్రాల్లో..
కర్ణాటక, తమిళనాడు, దిల్లీ, గోవా, ఉత్తర్ప్రదేశ్లతో పాటు ఆంధ్రప్రదేశ్, తెలంగాణ, మధ్యప్రదేశ్, కేరళ, మహారాష్ట్ర, రాజస్థాన్, గుజరాత్, పంజాబ్లో వీటిని అందుబాటులోకి తీసుకురానుంది.
ఈ స్కూటర్ల బుకింగ్కు సంబంధించి దేశవ్యాప్తంగా అనేక నగరాల నుంచి తమకు అభ్యర్థనలు వస్తున్నాయని, వీటిని పరిష్కరించాల్సి ఉందని సింపుల్ ఎనర్జీ సంస్థ వ్యవస్థాపకుడు, సీఈఓ సుహాస్ రాజ్కుమార్ తెలిపారు.
ఈ- స్కూటర్ ప్రత్యేకతలివే..
- బ్యాటరీ సామర్థ్యం.. 4.8 కేడబ్యూహెచ్ లిథియమ్- అయాన్ బ్యాటరీ
- రేంజ్(ఒక్కసారి ఛార్జింగ్ చేస్తే).. 240 కిలోమీటర్లు
- స్పీడ్.. 100 కేఎమ్పీహెచ్
- 0-50 కిలోమీటర్లు.. కేవలం 3.6 సెకండ్లలో
- ధర.. రూ. 1.10 లక్షల నుంచి 1.20 లక్షలు
ఇవీ చదవండి:
