కరోనా భయాలు స్టాక్ మార్కెట్లను కుదిపేస్తూనే ఉన్నాయి. ఆర్థిక వ్యవస్థకు ఆర్బీఐ ఇచ్చిన భరోసాతో ఉదయం సానుకూలంగా ప్రారంభమైన సూచీలు మిడ్ సెషన్ వరకు అవే లాభాలను కొనసాగించాయి. అయితే కొవిడ్ నేపథ్యంలో భారత వృద్ధి రేటును తగ్గిస్తూ మూడీస్ చేసిన ప్రకటన మదుపరుల సెంటిమెంట్పై ప్రతికూల ప్రభావం చూపింది. వీటికి తోడు భారత సహా ఇతర దేశాల్లో కరోనా కేసులు, మరణాలు వేగంగా పెరుగుతుండటం కారణంగా ఆరంభ లాభాలను సొమ్ము చేసుకునే పనిలో పడ్డారు మదుపరులు.
సెషన్ ముగిసే సమయానికి బొంబాయి స్టాక్ ఎక్స్చేంజి సూచీ-సెన్సెక్స్ 811 పాయింట్లు కోల్పోయి 30,579కి దిగజారింది. జాతీయ స్టాక్ ఎక్స్చేంజి సూచీ-నిఫ్టీ 230 పాయింట్ల నష్టంతో 8,967కి చేరింది.
ఇంట్రాడే సాగిందిలా..
సెన్సెక్స్ 32,048 పాయింట్ల గరిష్ఠాన్ని తాకగా.. 30,395 పాయింట్ల కనిష్ఠాన్ని నమోదు చేసింది.
నిఫ్టీ నేడు 9,404 పాయింట్ల అత్యధిక స్థాయి, 8,916 పాయింట్ల అత్యల్ప స్థాయిల మధ్య కదలాడింది.
ఇదీ చూడండి:2020లో భారత వృద్ధి రేటు 5.3 శాతమే!
