డిసెంబర్ డెరివేటివ్స్ గడువు ముగియడం, రిలయన్స్ ఇండస్ట్రీస్, హెచ్డీఎఫ్సీ బ్యాంకుల నష్టాల ప్రభావం స్టాక్మార్కెట్లపై పడింది. దేశీయ, ప్రపంచ మార్కెట్లలో సంవత్సరాంత సెలవులు ఉండటం వల్ల స్టాక్ మార్కెట్లు నష్టాలతో ముగిశాయి.
బొంబాయి స్టాక్ ఎక్స్ఛేంజి సూచీ సెన్సెక్స్ 297 పాయింట్లు కోల్పోయి 41 వేల 163 వద్ద ముగిసింది. జాతీయ స్టాక్ ఎక్స్ఛేంజి సూచీ నిఫ్టీ 88 పాయింట్లు నష్టపోయి 12 వేల 126 వద్ద స్థిరపడింది.
లాభనష్టాల్లో
వేదాంత, ఓఎన్జీసీ, బజాజ్ ఫైనాన్స్, టాటా స్టీల్, ఎన్టీపీసీ, ఎమ్ అండ్ ఎమ్ 1.63 శాతం మేర రాణించాయి.
భారతీ ఎయిర్టెల్, రిలయన్స్, ఎస్ బ్యాంకు, ఐఓసీ, సన్ఫార్మా, లార్సెన్ అండ్ టుబ్రో, హెచ్డీఎఫ్సీ బ్యాంకు, మారుతీ, టైటాన్, కోటక్ బ్యాంకు నష్టపోయాయి.
ఆసియా మార్కెట్లు
నిక్కీ, కోస్పీ, షాంఘై కాంపోజిట్, టోక్యో, సియోల్ మార్కెట్లు లాభాలు మూటగట్టుకోగా.. హాంగ్సెంగ్ నష్టాలు చవిచూసింది.
రూపాయి విలువ
రూపాయి విలువ ఒక డాలరుకు రూ.71.27లుగా ఉంది.
ముడిచమురు
అంతర్జాతీయ మార్కెట్లో ముడిచమురు ధర 0.33 శాతం పెరిగింది. ప్రస్తుతం బ్యారెల్ ధర 67.42 డాలర్లుగా ఉంది.
ఇదీ చూడండి: ఇకపై బీమ్, యూపీఐతోనూ ఫాస్టాగ్ల రీఛార్జ్
