స్టాక్ మార్కెట్లు వరుసగా రెండో రోజూ స్వల్ప నష్టాలతో ముగిశాయి. బుధవారం సెషన్లో బీఎస్ఈ-సెన్సెక్స్ 20 పాయింట్లు నష్టపోయి 51,309 వద్దకు చేరింది. ఎన్ఎస్ఈ-నిఫ్టీ అతి స్వల్పంగా 3 పాయింట్లు కోల్పోయి..15,106 వద్ద ఫ్లాట్గా స్థిరపడింది.
వరుస లాభాలను మదుపరులు సొమ్ము చేసుకునేపనిలో పడటం సహా.. పలు దేశీయ, అంతర్జాతీయ పరిణామాలు నష్టాలకు కారణమని విశ్లేషకులు చెబుతున్నారు.
ఇంట్రాడే సాగిందిలా
సెన్సెక్స్ 51,512 పాయింట్ల గరిష్ఠాన్ని తాకగా.. 50,846 పాయింట్ల కనిష్ఠాన్ని నమోదు చేసింది.
నిఫ్టీ 15,168 పాయింట్ల అత్యధిక స్థాయి.. 14,977 పాయింట్ల అత్యల్ప స్థాయిల మధ్య కదలాడింది.
లాభనష్టాల్లోనివి ఇవే..
బజాజ్ ఫిన్సర్వ్, ఎం&ఎం, బజాజ్ ఫినాన్స్, రిలయన్స్ ఇండస్ట్రీస్, టీసీఎస్, హెచ్సీఎల్ టెక్ షేర్లు లాభాలను గడించాయి.
భారతీ ఎయిర్టెల్, హెచ్డీఎఫ్సీ బ్యాంక్, ఓఎన్జీసీ, ఎల్&టీ, యాక్సిస్ బ్యాంక్, నెస్లే ఇండియా షేర్లు నష్టపోయాయి.
ఇతర మార్కెట్లు
ఆసియాలో ఇతర ప్రధాన మార్కెట్లు అయిన.. షాంఘై, టోక్యో, సియోల్, హాంకాంగ్ (భారీగా) సూచీలు లాభాలను నమోదు చేశాయి.
ఇదీ చదవండి:పెట్రో ధరలు పెరిగింది 60 రోజులే: కేంద్రం
