స్టాక్ మార్కెట్లలో ఐదు రోజుల తర్వాత బేర్ దూకుడుకు అడ్డుకట్ట పడింది. మంగళవారం సెషన్లో బీఎస్ఈ-సెన్సెక్స్ అతి స్వల్పంగా 7 పాయింట్లు బలపడి 49,751 వద్ద స్థిరపడింది. ఎన్ఎస్ఈ-నిఫ్టీ 32 పాయింట్ల లాభంతో 14,707వద్దకు చేరింది.
మిడ్ సెషన్లో భారీగా లాభాలు నమోదైనా.. చివరి గంటలో మదుపరులు అమ్మకాలపై దృష్టి సారించడం వల్ల సూచీలు ఫ్లాట్గా స్థిరపడినట్లు తెలుస్తోంది.
ఇంట్రాడే సాగిందిలా..
సెన్సెక్స్ 50,327 పాయింట్ల అత్యధిక స్థాయి, 49,659 పాయింట్ల అత్యల్ప స్థాయిలను నమోదు చేసింది.
నిఫ్టీ 14,854 పాయింట్ల గరిష్ఠ స్థాయి, 14,651 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
ఓఎన్జీసీ, ఎల్&టీ, ఇండస్ఇండ్ బ్యాంక్, అల్ట్రాటెక్ సిమెంట్, టైటాన్, ఎస్బీఐ షేర్లు లాభాలను గడించాయి.
కోటక్ మహీంద్రా బ్యాంక్, మారుతీ, బజాజ్ ఆటో, హెచ్డీఎఫ్సీ బ్యాంక్, హెచ్సీఎల్టెక్, హెచ్డీఎఫ్సీ షేర్లు నష్టపోయాయి.
ఇతర మార్కెట్లు
ఆసియాలో ఇతర ప్రధాన మార్కెట్లలో హాంకాంగ్ సూచీ మాత్రమే లాభాలను గడించింది. షాంఘై, సియోల్ సూచీలు నష్టాలను నమోదు చేశాయి. టోక్యో మార్కెట్కు సెలవు.
ఇదీ చదవండి:స్వతంత్ర సంస్థగా రిలయన్స్ ఓ2సీ విభాగం
