నూతన సంవత్సర ప్రారంభంలో స్టేట్ బ్యాంకు ఆఫ్ ఇండియా తన వినియోగదారులకు అదిరిపోయే శుభవార్త అందించింది. గృహ రుణాలపై వడ్డీ రేట్లను పావు శాతం తగ్గించింది.
"కొత్త ఏడాది సరికొత్తగా ప్రారంభించండి. మీ సొంతింటి కలను సాకారం చేసుకోండి. డిసెంబర్ 31లోపు ఎస్బీఐ హోంలోన్ తీసుకోండి. 2020 జనవరి 1 నుంచి తక్కువ వడ్డీ ప్రయోజనం పొందండి. ఎస్బీఐ యోనో ద్వారా రుణం కోసం దరఖాస్తు చేసుకోవచ్చు. వెంటనే సూత్రప్రాయ ఆమోదం కూడా పొందవచ్చు."- స్టేట్ బ్యాంకు ఆఫ్ ఇండియా ట్వీట్
నూతన సంవత్సర కానుక
ఎస్బీఐ నూతన సంవత్సరం 2020 కానుకగా గృహరుణాలపై వడ్డీరేటు 25 శాతం తగ్గించింది. ప్రస్తుతం హోంలోన్ వడ్డీరేటు 8.15 శాతంగా ఉంది. అయితే డిసెంబర్ 31లోపు కనుక లోన్ తీసుకుంటే.. జనవరి నుంచి ఈ వడ్డీ రేటు 7.9 శాతానికి తగ్గుతుంది.
ఇదీ చూడండి: 'షేర్స్వైప్' పథకానికి రిలయన్స్ ఇండస్ట్రీస్ ప్రతిపాదన
మరిన్ని ప్రయోజనాలు
వడ్డీ రేటు తగ్గింపే కాకుండా.. ప్రాసెసింగ్ ఫీజు కూడా తగ్గించిది ఎస్బీఐ. అలాగే ఎలాంటి అదనపు ఛార్జీలు ఉండవని స్పష్టం చేసింది. తీసుకున్న రుణం ముందుగానే చెల్లిస్తే.. ప్రీపేమెంట్ రుసుము కూడా వసూలు చేయమని పేర్కొంది.
పూర్తి వివరాలకోసం
ఎస్బీఐ గృహ రుణాలకు సంబంధించిన పూర్తి వివరాల కోసం సంస్థ వెబ్సైట్ http://homeloans.sbi/ చూడండి. 1800112018 టోల్ ఫ్రీ నెంబర్కు కాల్ చేయవచ్చు. HOME అని టైప్ చేసి 567676కు ఎస్ఎమ్ఎస్ కూడా చేయవచ్చు. ఆ తరువాత బ్యాంకు ప్రతినిధులు మిమ్మల్ని సంప్రదిస్తారు. అప్పుడు మీ వివరాలు తెలపాల్సి ఉంటుంది.
*సూచన: సైబర్ మోసగాళ్లు చేసే ఫేక్ కాల్స్ విషయంలో తస్మాత్త్ జాగ్రత్త!
