ఫ్రాన్స్కు చెందిన సనోఫి ఫార్మా కంపెనీ, బ్రిటన్కు చెందిన గ్లాక్సోస్మిత్క్లైన్ (జీఎస్కే) ఫార్మా సంస్థ సంయుక్తంగా అభివృద్ధి చేస్తున్న కరోనా వ్యాక్సిన్ ప్రాథమిక పరీక్షల్లో సానుకూల ఫలితాలను ఇస్తున్నట్లు ప్రకటించాయి. ఇటీవల నిర్వహించిన రెండో దశ ట్రయల్స్లో వయోజనులందరిలోనూ సమర్ధంగా రోగనిరోధక శక్తిని పెంచినట్లు వెల్లడించాయి.
ఈ వ్యాక్సిన్ ప్రారంభ పరీక్షల్లో ప్రతికూలతలు ఎదుర్కొన్న కారణంగా ట్రయల్స్ తాత్కాలికంగా నిలిచిపోయాయి. తిరిగి ట్రయల్స్ ప్రారంభించగా మునుపటి ఇబ్బందులను అధిగమించి సానుకూల ఫలితాలను ఇస్తుండటం విశేషం.
త్వరలోనే తుది దశ ట్రయల్స్కు సన్నాహాలు చేస్తున్నట్లు కంపెనీలు ప్రకటించాయి. రానున్న వారాల్లోనే ఉత్పత్తి ప్రారంభించనున్నట్లు వెల్లడించాయి. 2021 చివరి నాటికి ఇందుకు కావాల్సిన అనుమతులు కూడా లభిస్తాయని ఇరు సంస్థలు అశాభావం వ్యక్తం చేశాయి.
ఇదీ చదవండి:టీకా ఉత్పత్తికి మరో సంస్థతో జత కట్టిన డా.రెడ్డీస్
