దేశంలో కరోనాపై పోరుకు విరాళాలు వెల్లువెత్తుతున్నాయి. ప్రముఖ ఎలక్ట్రానిక్స్ తయారీ దిగ్గజం శాంసంగ్ ఇండియా రూ.20 కోట్లు ఇవ్వనున్నట్లు ప్రకటించింది. అందులో రూ.15 కోట్లు పీఎం కేర్స్కు, ఉత్తర్ప్రదేశ్, తమిళనాడు ప్రభుత్వాలకు కలిపి రూ.5 కోట్లు ఇవ్వనున్నట్లు తెలిపింది.
శాంసంగ్ ఇప్పటికే కరోనా వ్యాప్తి చెందకుండా వాడే పలు వైద్య ఉపకరణాలు, థర్మామీటర్లు, ఎయిర్ ప్యూరిఫయర్ల వంటి వాటిని సమకూరుస్తోంది.
ఉద్యోగుల విరాళం..
కంపెనీతో పాటు అందులో పని చేస్తున్న ఉద్యోగులు తమ వేతనాల్లో కొంత మొత్తాన్ని విరాళంగా ఇచ్చేందుకు ముందుకొచ్చారు. రానున్న వారాల్లో ఉద్యోగుల, కంపెనీ విరాళం పీఎం కేర్స్కు బదిలీ చేయనున్నట్లు శాంసంగ్ స్పష్టం చేసింది.
గివ్ఇండియాకు భారీ స్పందన..
ప్రస్తుత విపత్తుపై పోరాటానికి విరాళాలు సేకరిస్తున్న 'గివ్ఇండియా' 'కొవిడ్- 19 రెస్పాన్స్ ఫండ్'ను ఏర్పాటు చేసినట్లు తెలిపింది. తొలి దశలోనే రూ.75 కోట్లు సమకూరినట్లు వెల్లడించింది.
ఇదీ చూడండి:10 శాతం ఐటీ ఉద్యోగాలకు కరోనా గండం!
