చమురు రంగ దిగ్గజం రిలయన్స్ ఇండస్ట్రీస్ షేర్స్వాప్ పథకాన్ని ప్రతిపాదించింది. ఇప్పటి వరకు ఏ స్టాక్‌ ఎక్స్ఛేంజిలో రిలయన్స్ ఇండస్ట్రీస్ అనుబంధ సంస్థ రిలయన్స్ రిటైల్ వెంచర్స్ లిమిటెడ్ షేర్లను లిస్ట్‌ చేయలేదు. ఇప్పుడు రిలయన్స్ రిటైల్ వాటాదారులు తమ షేర్లను ప్రతిపాదిత ఒప్పందం ప్రకారం రిలయన్స్ ఇండస్ట్రీస్ షేర్లతో మార్పిడి చేసుకోవచ్చని వెల్లడించింది.
నాలుగింటికి ఒకటి
రిటైల్ విభాగానికి చెందిన నాలుగు షేర్లకు ఒక రిలయన్స్ ఇండస్ట్రీస్ షేరును ఇవ్వనున్నారు. ఈ విషయాన్ని రిలయన్స్ వెబ్‌సైట్లో పొందుపర్చింది. ఈ మార్పిడి పథకం విలువ దాదాపు రూ.2.5 లక్షల వరకు ఉండవచ్చని అంచనా.
ఉద్యోగులకు షేర్లు!
కంపెనీ ఇప్పటి వరకు రెండు ప్రణాళికలను అమలు చేసింది. 2006, 2007లో రిలయన్స్ రిటైల్ ఎంప్లాయిస్‌ రిస్ట్రిక్టెడ్‌ స్టాక్‌ యూనిట్‌ ప్రణాళికలను అమలు చేసింది. ఈ క్రమంలో కొందరు ఉద్యోగులకు ఈక్విటీ షేర్లను కేటాయించామని రిలయన్స్ ఇండస్ట్రీస్ తెలిపింది.
ఇదీ చూడండి: ఆ పథకంలో చేరితే పెన్షన్ రెట్టింపు?
