RBL leadership changes: ఆర్బీఎల్ బ్యాంకు షేర్లు సోమవారం 20 శాతం కుప్పకులాయి. ఈ బ్యాంకు ఎండీ, సీఈఓ విశ్వవీర్ అహుజా మెడికల్ లీవ్పై వెళ్లడం, యోగేశ్ దయాల్ను ఆర్బీఎల్ అదనపు డైరెక్టర్గా ఆర్బీఐ నియమించడం మదుపర్లలో భయాందోళనకు కారణమయ్యాయి. అంతేగాక ప్రస్తుత ఆర్బీఎల్ ఎగ్జిక్యూటివ్ డైరెక్టర్ రాజీవ్ అహుజాను బ్యాంకు తాత్కాలిక ఎండీ, సీఈఓగా ఆర్బీఐ నియమించడం మదుపరుల్లో అనుమానాలను మరింత పెంచింది. యోగేశ్ దయాల్ ఇప్పటికే ఆర్బీఐ చీఫ్ జనరల్ మేనేజర్గా ఉన్నారు.
ఆర్బీఐ అకస్మాతు నిర్ణయాలతో ఆరీబీఎల్ షేరు విలువ సోమవారం మధ్యాహ్నం 12:40గం. సమయంలో 15.39శాతం క్షీణించి రూ.145.95కి పడిపోయింది. ఒకానొక దశలో 20శాతం క్షీణించి రూ.132.35కి దిగజారింది. ఈ విలువ 52 వారాల కనిష్ఠా స్థాయిది కావడం గమనార్హం.
ఆర్బీఐ క్లారీటీ...
ఆర్బీఎల్ షేర్లు కుప్పకూలిన నేపథ్యంలో ఆర్బీఐ స్పష్టతనిచ్చింది. మదుపర్లు, భాగస్వాములు ఎలాంటి ఆందోళన చెందవద్దని భరోసా ఇచ్చింది.
" ఆర్బీఎల్ బ్యాంకుపై ఇటీవల జరుగుతున్న ప్రచారంపై ఎలాంటి ఊహాగానాలు వద్దు. బ్యాంకు మూలధనం బాగానే ఉంది. ఆర్థిక స్థితి సంతృప్తికరంగా ఉంది. అదనపు డైరెక్టర్ నియామకం బ్యాంకింగ్ నియంత్రణ చట్టం, 1949లోని సెక్షన్ 36AB మేరకే జరిగింది. నియంత్రణ, పర్యవేక్షణ వ్యవహారాల్లో బ్యాంకుకు మద్దతు కావాల్సిన సమయాల్లోనే ఇలా జరుగుతుంది"
-ఆర్బీఐ
ఈ ఏడాది సెప్టెంబర్ 31న జరిగిన ఆర్బీఎల్ అర్థసంవత్సర ఆడిట్ ఫలితాల్లో బ్యాంకు క్యాపిటల్ అడిక్వసీ రేషియో 16.33శాతంతో మెరుగ్గానే ఉంది. ప్రొవిజన్ కవరేజ్ రేషియో కూడా 76.6శాతంగా ఉంది. డిసెంబర్ 24నాటికి లిక్విడిటీ కవరేజ్ రేషియో(LCR) 153శాతంగా ఉంది. నియంత్రణ అవసరాలకు ఇది 100 శాతం ఉంటే సరిపోతుంది.
ఇదీ చదవండి: 'బీమా రంగంలో ఆవిష్కరణలు- వ్యక్తులకు నచ్చినట్లుగా పాలసీ'
