దేశవ్యాప్తంగా మరోసారి చమురు ధరలు పెరిగాయి. దిల్లీలో లీటర్ పెట్రోల్ ధర రూ. 96.93, డీజిల్ రూ. 87.69 వద్ద ఉంది. వాణిజ్య రాజధాని ముంబయిలో లీటర్ పెట్రోల్ ధర రూ.102.82గా నమోదైంది. ఇక లీటర్ డీజిల్ ధర 94.84 వద్దకు చేరింది.
రికార్డు ధర..
మధ్యప్రదేశ్ భోపాల్లో లీటర్ పెట్రోల్ ధర రూ.104.53వద్ద అమ్ముడవుతోంది. లీటర్ డీజిల్ ధర.. రూ.95.75 వద్ద ఉంది.
దేశవ్యాప్తంగా ఇతర ప్రధాన నగరాల్లోనూ.. పెట్రోల్ ధర లీటర్కు 20-30 పైసల వరకు పెరిగింది. లీటర్ డీజిల్ ధర సైతం 20 పైసలకు పైగా పెంచాయి చమురు మార్కెటింగ్ సంస్థలు. అంతర్జాతీయంగా ముడి చమురు ధరలకు అనుగుణంగా దేశీయంగానూ పెట్రోల్, డీజిల్ ధరలను సవరించినట్లు సంస్థలు వెల్లడించాయి.
తెలుగు రాష్ట్రాల్లో ఇలా..
- తెలంగాణ హైదరాబాద్‌లో లీటర్ పెట్రోల్పై 28పైసలు పెరిగి రూ.100.74వద్ద కొనసాగుతోంది. డీజిల్పై 32పైసలు పెరిగి రూ.95.60గా ఉంది.
- ఆంధ్రప్రదేశ్ విజయవాడలో లీటర్ పెట్రోల్పై 27 పైసలు పెరిగి రూ.102.93వద్దకు చేరింది. డీజిల్పై 30 పైసలు వృద్ధి చెంది రూ.97.17 వద్ద అమ్ముడవుతోంది.
- గుంటూరులో లీటర్ పెట్రోల్ రూ.103.13 ఉండగా.. డీజిల్ రూ.97.37కు చేరింది.
- ఇక.. విజయవాడలో లీటర్ ప్రీమియం పెట్రోల్ రూ.106.48గా నమోదైంది. గుంటూరులో లీటర్ ప్రీమియం పెట్రోల్ ధర రూ.106.68గా ఉంది.
ఇవీ చదవండి: పొల్యూషన్ సర్టిఫికేట్ ఇక ఇలా ఉండాల్సిందే..
