దేశవ్యాప్తంగా వరుసగా రెండో రోజు పెట్రోల్, డీజిల్ ధరలు పెరిగాయి. దిల్లీలో లీటర్ పెట్రోల్ ధర బుధవారం 19 పైసలు పెరిగి.. రూ.90.80 వద్దకు చేరింది. లీటర్ డీజిల్ ధర 21 పైసలు పెరిగింది. దీనితో లీటర్ డీజిల్ ప్రస్తుతం రూ.81.18 వద్ద ఉంది.
అంతర్జాతీయంగా ముండి చమురు ధరలకు అనుగుణంగా దేశీయంగానూ పెట్రోల్, డీజిల్ ధరలను సవరించినట్లు చమురు మార్కెటింగ్ సంస్థలు తెలిపాయి.
దేశవ్యాప్తంగా ఇతర ప్రధాన నగరాల్లోనూ.. పెట్రోల్ ధర లీటర్కు 16-20 పైసల వరకు పెరిగింది. లీటర్ డీజిల్ ధరను కూడా 20 నుంచి 23 పైసలకు పెంచాయి చమురు మార్కెటింగ్ సంస్థలు.
ప్రధాన నగరాల్లో ఇంధన ధరలు (లీటర్కు)
| నగరం | పెట్రోల్ | డీజిల్ |
| హైదరాబాద్ | రూ.94.38 | రూ.88.50 |
| బెంగళూరు | రూ.93.82 | రూ.86.05 |
| ముంబయి | రూ.97.16 | రూ.88.22 |
| చెన్నై | రూ.92.73 | రూ.86.12 |
| కోల్కతా | రూ.90.96 | రూ.84.01 |
