కొవిడ్ వ్యాక్సిన్ సంబంధిత వార్తలు, అమెరికాలో తాజా ఉద్దీపన ప్యాకేజీపై ఆశలు ఈ వారం స్టాక్ మార్కెట్లకు దిశా నిర్దేశం చేయనున్నాయి. వీటితో పాటు ప్రపంచవ్యాప్తంగా కరోనా వైరస్ ప్రభావం, ఇతర భౌగోళిక, రాజకీయ పరిణామాలు మార్కెట్లకు కీలకంగా మారనున్నట్లు విశ్లేషకులు చెబుతున్నారు.
కరోనా వ్యాక్సిన్ త్వరలో అందుబాటులోకి రానున్నట్లు వెలువడిన వార్తలు, అమెరికా ఉద్దీపన ప్యాకేజీ ఆశలతో గత వారం ప్రపంచవ్యాప్తంగా అన్ని ప్రధాన స్టాక్ మార్కెట్లు భారీగా లాభాలను నమోదు చేశాయి. ఈ వారం కూడా ఆ సానుకూలతలు కొనసాగే అవకాశముందంటున్నారు నిపుణులు.
దేశీయంగా.. శుక్రవారం మార్కెట్లు ముగిసిన తర్వాత పారిశ్రామికోత్పత్తి, ద్రవ్యోల్బణం గణాంకాలు వెలువడనున్నాయి. వీటికి సంబంధించిన అంచనాలపైనా మదుపరులు దృష్టి సారించే అవకాశముందని అభిప్రాయపడుతున్నారు మార్కెట్ బ్రోకర్లు.
వీటన్నింటితో పాటు రూపాయి విలువ, ముడి చమురు ధరల్లో హెచ్చుతగ్గులూ మార్కెట్లను ప్రభావితం చేసే సాధారణ అంశాలుగా ఉండనున్నాయి.
ఇదీ చూడండి:వాహనదారులకు పెట్రో మోత- మళ్లీ పెరిగిన ధరలు
