నేషనల్ స్టాక్ ఎక్స్ఛేంజి (ఎన్ఎస్ఈ) ఫ్యూచర్స్ అండ్ ఆప్షన్స్తో సహా వివిధ విభాగాల్లోని ఎస్ బ్యాంకు షేర్లపై ఆంక్షలు విధించింది. తాజా పరిణామాల్లో ఆ బ్యాంకు షేర్లు ఓ దశలో 85 శాతం వరకు నష్టపోయాయి.
ఎస్ బ్యాంక్ బోర్డును రద్దు చేసిన ఆర్బీఐ.. 30 రోజుల పాటు తమ అదుపులో ఉంచుకోనున్నట్లు గురువారం ప్రకటించింది. ఇప్పటికే ఈ బ్యాంక్‌పై మారటోరియం విధించి విత్‌డ్రా పరిమితి రూ.50వేలుగా నిర్ణయించింది.
పరిమితులు
ఎన్ఎస్ఈ నోటిఫికేషన్ ప్రకారం, డెబ్ట్, సెక్యూరిటీ లెండింగ్ అండ్ బారోయింగ్ స్కీమ్, కరెన్సీ డెరివేటివ్స్, కమోడిటీ డెరివేటివ్స్, ఫ్యూచర్స్ అండ్ ఆప్షన్స్పై పరిమితులు విధించారు.
ఎస్ బ్యాంకులో జరుగుతున్న తాజా పరిణామాల నేపథ్యంలో, ఇకపై కొత్తగా బ్యాంకు గ్యారెంటీలు ఇవ్వడంగానీ, పునరుద్ధరించడంగానీ జరగదని, స్థిర డిపాజిట్ రశీదులు అంగీకరించడం జరగదని ఎన్ఎస్ఈ స్పష్టం చేసింది. అలాగే ఎన్ఎస్ఈ క్లియరింగ్ లిమిటెడ్కు అనుకూలంగా.. ఎస్ బ్యాంకు జారీచేసిన బ్యాంకు గ్యారెంటీలు, ఫిక్స్డ్ డిపాజిట్ల రశీదుల ప్రయోజనం కూడా తగ్గనుంది.
ఎస్ బ్యాంకు ఇటీవల కాలంలో తీవ్రమైన పాలనా పరమైన సమస్యలు ఎదుర్కొంది. క్రమంగా బ్యాంకు నష్టాలపాలయ్యింది.
బాధ్యతలు స్వీకరించిన ప్రశాంత్ కుమార్
ఎస్ బ్యాంకు పాలనాధికారిగా ప్రశాంత్ కుమార్ ఇవాళ బాధ్యతలు తీసుకున్నారు. ఈయన ఎస్బీఐ మాజీ డిప్యూటీ మేనేజింగ్ డైరెక్టర్ అండ్ ఎస్ఎఫ్ఓ .
ఇదీ చూడండి: ఎస్ బ్యాంక్ ప్రభావంతో ఫోన్పే సేవలు బంద్
